Հռոմի Պապը Իսրայելին կոչ է արել հրադադար հաստատել Գազայում

Հռոմի Պապ Լեո XIV-ը կոչ է արել Իսրայելին մշտական հրադադար հաստատել Գազայում։

Պոնտիֆիկոսն ընդգծել է անվտանգ մարդասիրական միջանցքի ապահովման և միջազգային մարդասիրական իրավունքի նորմերի լիարժեք պահպանման անհրաժեշտությունը, ներառյալ քաղաքացիական անձանց պաշտպանությունը:
Նա նաև պահանջել է ազատ արձակել Գազայում մնացած ՀԱՄԱՍ շարժման կողմից գերեվարված պատանդներին։

Հռոմի պապն ընդգծել է, որ բոլոր ժողովուրդները, այդ թվում՝ առավել խոցելի, իրավունք ունեն մնալ իրենց տարածքում և չենթարկվել բռնի տեղահանման: