Բաժին : Աշխարհ/Տարածաշրջան
Սերբիայի և Կոսովոյի ղեկավարները համաձայնության չեն հասել Բրյուսելում, բայց ես չեմ հանձնվում. Բորել
Սերբիայի նախագահ Ալեքսանդր Վուչիչը և Կոսովոյի վարչապետ Ալբին Կուրտին համաձայնության չեն հասել Բրյուսելում տեղի ունեցած բանակցությունների հերթական փուլի ընթացքում, սակայն պայմանավորվել են շարունակել երկխոսությունը մոտ օրերին:
Ինչպես նշում է ՌԻԱ «Նովոստի»-ի հաղորդմամբ՝ այդ մասին ասվում է ԵՄ արտաքին հարաբերությունների և անվտանգության քաղաքականության բարձր ներկայացուցիչ Ժոզեպ Բորելի հայտարարությունում:
Բորելի խոսքով՝ երկու ղեկավարներն էլ շեշտել են երկխոսությունը շարունակելու անհրաժեշտությունը:
«Բանակցությունները կվերսկսվեն մոտ օրերին: Դեռ ժամանակ կա մինչև սեպտեմբերի 1-ը, ես չեմ հանձնվում», - ասել է Բորելը:
Սերբիայից անջատված և մասնակիորեն ճանաչված Կոսովոյի Հանրապետության շուրջ իրադրությունները սրվել են օգոստոսի 1-ին, Կոսովոյի հյուսիսում տեղի էին ունեցել բախումներ սերբերի հետ: