Բաժին : Աշխարհ/Տարածաշրջան
«Բաց երկնքի մասին պայմանագրից դուրս գալու շնորհիվ ԱՄՆ-ն կլինի ավելի պաշտպանված». Պոմպեո
Բաց երկնքի մասին պայմանագրից ԱՄՆ-ի դուրս գալը դրական ազդեցություն կունենա ամերիկյան անվտանգության վրա: Նման կարծիք է հայտնել ԱՄՆ պետքարտուղար Մայք Պոմպեոն:
«Այսօր ուժի մեջ է մտել Բաց երկնքի մասին պայմանագրից ԱՄՆ-ի դուրս գալու որոշումը: Սրա հետ կապված՝ Ամերիկան դրա շնորհիվ ավելի պաշտպանված է, քանի որ Ռուսաստանը, ինչպես նախկինում, չի կատարում իր պարտավորությունները»,-իր թվիթերյան էջում նշել է ԱՄՆ պետքարտուղարը:
ԱՄՆ նախագահ Դոնալդ Թրամփը մայիսի 21-ին հայտարարել էր Բաց երկնքի մասին պայմանագրից դուրս գալու Վաշինգտոնի մտադրության մասին, պայմանագիրը մասնակից երկրներին հնարավորություն է տալիս թռիչքներ կատարել միմյանց տարածքով ՝ ռազմական գործողությունների դիտարկման համար:
Գրավոր հայտարարության մեջ Պոմպեոն այնուհետև բացատրել է, որ որոշումն ուժի մեջ կմտնի նոյեմբերի 22-ին: Ամերիկյան կողմը որպես որոշման պատճառ նշել է Ռուսաստանի կողմից պայմանագրի ենթադրյալ խախտումները: Մոսկվան հերքում է այս մեղադրանքները ՝ պնդելով, որ ինքը հավատարիմ է մնում պայմանագրին, ինչպես նաև հակընդդեմ մեղադրանքներ է ներկայացնում:
