Բաժին : Աշխարհ/Տարածաշրջան
Թուրքիայում 1 օրում կորոնավարակի 1.083 դեպք է գրանցվել
Թուրքիայում օգոստոսի 4-ին կորոնավիրուսից (Covid-19) մահացել է 18 մարդ։ Այդ մասին «Twitter» միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։
Նա նշել է, որ 1 օրում կատարված 46․249 թեստի արդյունքում հաստատվել է կորոնավարակի 1․083 նոր դեպք։ Նույն ժամանակահատվածում գրանցվել է ապաքինման 994 դեպք:
Ըստ պաշտոնական տվյալների` մինչև օրս համավարակից ապաքինվել է 218.491 մարդ, իսկ 583 հիվանդ էլ գտնվում է վերակենդանացման բաժանմունքում։
Թուրքիայում մինչև այժմ ընդհանուր առմամբ արձանագրվել է վարակման 234․934 և մահվան 5․765 դեպք։ Թեստավորումների թիվը հասել է 4 մլն 973.466-ի։
Հիշեցնենք, որ Թուրքիայում պաշտոնական տվյալներով` կորոնավիրուսով վարակվելու առաջին դեպքը հաստատվել է մարտի 11-ին, իսկ մահվան առաջին դեպքը՝ մարտի 17-ին։
