Բաժին : Աշխարհ/Տարածաշրջան
Չինաստանում 14 բժիշկների շնորհվել է «Ընկած հերոսներ» կոչումը. РИА Новости
Չինաստանի Հուբեյ նահանգի իշխանությունները որոշել են «Ընկած հերոսների» կոչում շնորհել 14 բժիշկների, որոնք մահացել են կորոնավիրուսի համավարակի դեմ պայքարի ընթացքում:
Այս մասին հայտնում է РИА Новости գործակալությունը՝ հղում անելով Չինաստանի կենտրոնական հեռուստաընկերությանը:
Ցանկում ընդգրկվել է նաև Լի Վենլյանը, որն առաջիններից մեկն էր նախազգուշացրել Ուհանում SARS-ի համաճարակին նմանվող թոքաբորբի տարածման մասին:
Հուբեյի իշխանություններն ընդգծել են, որ Չինաստանում տարածվելուց ի վեր COVID-19-ի համաճարակը դարձել է երկրի առողջապահության ոլորտում խոշորագույն արտակարգ իրավիճակը՝ տարածման ամենաբարձր տեմպով և ընդգրկման ամենամեծ մասշտաբներով:
«Ընկած հերոսներ» կոչումը բարձրագույն պատվավոր կոչում է, որը տրվում է Կոմունիստական կուսակցության և պետության կողմից այն քաղաքացիներին, ովքեր իրենց կյանքը նվիրել են պետությանը, հասարակությանը և մարդկանց ծառայելուն: