Մնացական Սաֆարյանը ԵԱՀԿ խորհրդարանական վեհաժողովի նախագահի տեղակալի հետ հանդիպմանն անդրադարձել է Հայաստանի և Ադրբեջանի միջև խաղաղության հաստատմանը
ՀՀ ԱԳ նախարարի տեղակալ Մնացական Սաֆարյանն ընդունել է ԵԱՀԿ խորհրդարանական վեհաժողովի նախագահի տեղակալ Լուիս Գրասային, հայտնում են ԱԳՆ-ից։
Հանդիպման ընթացքում անդրադարձ է կատարվել Հայաստանի և Ադրբեջանի միջև ընթացիկ տարվա օգոստոսի 8-ին Վաշինգտոնում ձեռք բերված պայմանավորվածություններին՝ ընդգծելով, որ խաղաղության հաստատումը հնարավորություններ է ստեղծում ողջ տարածաշրջանի կայունության և բարգավաճման համար:
Կողմերը կարևորել են խորհրդարանական դիվանագիտության դերը խաղաղության հետագա ամրապնդման, փոխադարձ վստահության հաստատման և հումանիտար խնդիրների հասցեագրման ուղղություններում:
