Իսպանիայի վարչապետը ԱՄՆ միջանկյալ ընտրություններից հետո հայտարարել է «ծայրահեղ աջերի ալիքի փլուզման» մասին
Ընտրություններ18:21 | նոյեմբերի 4, 2026Իսպանիայի վարչապետը ԱՄՆ միջանկյալ ընտրություններից հետո հայտարարել է «ծայրահեղ աջերի ալիքի փլուզման» մասին
լսել հոդվածըԿիսվել
նախընտրելի դարձնել
<!—>]—>
Իսպանիայի վարչապետ Պեդրո Սանչեսը հայտարարել է, որ ԱՄՆ Կոնգրեսի ընտրություններում հանրապետականների պարտությունը վկայում է ծայրահեղ աջ ուժերի ալիքի փլուզման մասին, և վստահություն է հայտնել, որ նմանատիպ սցենար կկրկնվի նաև Իսպանիայում։
«Երեկ ամերիկյան հասարակությունը քվեարկեց այն քաղաքականության դեմ, որը միայն աղքատացնում է մարդկանց։ Ատելության դեմ։ Սեքսիզմի դեմ։ Կլիմայի փոփոխության ժխտման և վերնախավի արտոնությունների դեմ։
Դա տեղի ունեցավ Բրազիլիայում։
Հենց նոր դա տեղի ունեցավ ԱՄՆ-ում։
Եվ շուտով դա տեղի կունենա Իսպանիայում։
Ծայրահեղ աջերի ալիքը, որի վրա փորձում են մնալ Ֆեյխոոն և Աբասկալը, այլևս չի բարձրանում. այն փլուզվում է»,- X սոցիալական ցանցում գրել է Սանչեսը։
Ալբերտո Նունյես Ֆեյխոոն Իսպանիայի Ժողովրդական կուսակցության առաջնորդն է, իսկ Սանտյագո Աբասկալը՝ ծայրահեղ աջ Vox կուսակցության ղեկավարը։
Հասանելի է
Թեմա
ԸնտրություններԾայրահեղ աջերՔաղաքականություն
Անձ
Տեղադրություն
Աղբյուրը՝ NEWS.am
