Բաժին : Առողջապահություն
Նպատակաուղղված գործողությունները զուտ աշխատանքի էֆեկտիվությունը բարձրացնելու համար են, որևէ վենդետա չկա. առողջապահության նախարար (տեսանյութ)
Առողջապահության նախարար Արսեն Թորոսյանը ֆեյսբուքյան իր էջի ուղիղ եթերում անդրադարձավ, իր իսկ խոսքով, համակարգում կատարվող բարեփոխումներին հաջորդած աղմուկներին: Նա շեշտեց, որ որևէ վենդետա չկա, նպատակաուղղված գործողությունները աշխատանքի էֆեկտիվությունը բարձրացնելու համար են:
«Մարդիկ կարծում են՝ իրենց զբաղեցրած պաշտոնն իրենց սեփականությունն է, և երբ փորձում ես ինչ-որ գործողություն կատարել, օրինակ՝ մարդուն նույնիսկ ավելի բարձր պաշտոնի տանել կամ այլ աշխատանքի խնդրել գնալ կամ ազատել, դա ընկալում են անձնական կյանքի նկատմամբ, սեփականության նկատմամբ ոտնձգություն»,-ասաց նա և օրինակ բերեց, որ Առողջապահության ազգային ինստիտուտի տնօրենին առաջարկել է իր խորհրդականի պաշտոնը:
«Ինչը նշանակում էր, որ նա պետք է ազատվեր նախկին պաշտոնից, առաջարկել եմ խորհրդական հիմա, ապագայում ավելի բարձր պաշտոնի անցնելու նպատակով, նույնիսկ՝ փոխնախարար:
Նա կարծես համաձայնել էր, սակայն հետո մտափոխվել է»,-ասաց նախարարը և բացատրեց, թե պարզվում է՝ անձնակազմը ևս դեմ է:
