Volkswagen-ը փորձում է դուրս գալ ճգնաժամից․ մինչև 2030 թվականը՝ 9 մլն ավտոմեքենայի վաճառք և 9% շահութաբերություն

Բիզնես23:54 | նոյեմբերի 15, 2026Volkswagen-ը փորձում է դուրս գալ ճգնաժամից․ մինչև 2030 թվականը՝ 9 մլն ավտոմեքենայի վաճառք և 9% շահութաբերություն
լսել հոդվածըԿիսվել նախընտրելի դարձնել

<!—>

]—>

Volkswagen-ի ղեկավար Օլիվեր Բլումեն ավտոկոնցեռնի առջև հավակնոտ նպատակ է դրել՝ մինչև 2030 թվականն ամբողջ աշխարհում տարեկան վաճառել 9 մլն ավտոմեքենա և հասնել 9% շահութաբերության։ Այս մասին նա հայտարարել է գերմանական Bild թերթին տված հարցազրույցում, որը հրապարակվել է կիրակի օրը։

«Volkswagen Group-ի պատմության ընթացքում մեզ դեռ երբեք չի հաջողվել հասնել նման ցուցանիշի», — ասել է Բլումեն՝ մեկնաբանելով շահութաբերության նպատակային մակարդակը։

Անցյալ տարի կոնցեռնն ամբողջ աշխարհում հաճախորդներին մատակարարել է 8,98 մլն ավտոմեքենա, սակայն նրա գործառնական շահութաբերությունը կազմել է ընդամենը 2,8%։ Վերջին կանխատեսման համաձայն, ընթացիկ տարում գործառնական շահույթը կարող է կազմել վաճառքից հասույթի առավելագույնը 1%-ը։

Բլումեն նաև պաշտպանել է վերակազմավորման շրջանակում ավելի քան 100 հազար աշխատատեղ կրճատելու Volkswagen-ի ծրագրերը։ Ըստ նրա, այս միջոցառումներն այնքան արմատական չեն, որքան երբեմն ներկայացվում են լրատվամիջոցներում։ Կոնցեռնը զգալի ծախսեր է կատարում անձնակազմի կրճատման համար, այդ թվում՝ աշխատանքից ազատման համաձայնագրերով նախատեսված վճարումների տեսքով։ Միաժամանակ, ընկերության ղեկավարն ընդգծել է, որ Գերմանիայի ձեռնարկություններում անձնակազմի ծախսերը մոտ երկու անգամ ավելի բարձր են, քան եվրոպական այլ երկրներում։

Volkswagen-ը ծախսերի խնայողության լայնածավալ ծրագիր է իրականացնում՝ չինական արտադրողների կողմից մրցակցության ուժեղացման, բարձր ծախսերի, ավտոմեքենաների գների նվազման և ԱՄՆ-ի մաքսատուրքերի պայմաններում։

Չնայած դժվարություններին՝ Բլումեն լավատեսորեն է տրամադրված չինական շուկայի նկատմամբ։ «Չինաստանը կորցրած շուկա չէ», — հայտարարել է նա՝ նշելով, որ Volkswagen-ն այժմ երկրում ավտոմեքենաներ է արտադրում՝ հաշվի առնելով Չինաստանին բնորոշ ծախսերի մակարդակը։

Կոնցեռնի ղեկավարը հայտնել է, որ այս տարի Չինաստանի ավտոմոբիլային շուկան կրճատվել է 20%-ով, իսկ գները երկու տարվա ընթացքում նվազել են 15%-ով։ Այս ֆոնին Volkswagen-ը մտադիր է բարձրացնել գործունեության արդյունավետությունը և վերականգնել շահութաբերությունը՝ միաժամանակ պահպանելով վաճառքի ծավալները։

Հասանելի է

русский

Թեմա

ԲիզնեսԱվտոաշխարհՏնտեսություն

Կազմակերպություն

Volkswagen

Աղբյուրը՝ NEWS.am