Պեսկով. Ռուսաստանն ուժով կհասնի Ուկրաինայում իր նպատակներին, եթե համաձայնության չգա Եվրոպայի հետ

Դմիտրի Պեսկով15:36 | նոյեմբերի 15, 2026Պեսկով. Ռուսաստանն ուժով կհասնի Ուկրաինայում իր նպատակներին, եթե համաձայնության չգա Եվրոպայի հետ
լսել հոդվածըԿիսվել նախընտրելի դարձնել

<!—>

]—>

Ռուսաստանը ռազմական ճանապարհով կհասնի Ուկրաինայում իր նպատակներին, եթե չհաջողվի եվրոպական երկրների հետ խաղաղ կարգավորման շուրջ պայմանավորվածություններ ձեռք բերել, հայտարարել է ՌԴ նախագահի մամուլի քարտուղար Դմիտրի Պեսկովը Պավել Զարուբինին «Вести» հաղորդման համար տված հարցազրույցում։

Կրեմլի ներկայացուցիչը նշել է, որ Ուկրաինայում հակամարտության կարգավորումն անքակտելիորեն կապված է Եվրոպայում անվտանգության նոր համակարգի ձևավորման հետ։ Պեսկովը կարծում է, որ Մոսկվան և եվրոպական պետությունները որոշակի փուլում պետք է քննարկեն անվտանգության ապագա ճարտարապետության չափորոշիչները։

Միաժամանակ նա ընդգծել է, որ դիվանագիտական երկխոսությունն իմաստ ունի միայն այն դեպքում, եթե եվրոպական երկրներն իսկապես շահագրգռված են խաղաղության հասնելու հարցում։ Եթե չհաջողվի համաձայնության գալ, Ռուսաստանը մտադիր է ուժով հասնել իր առջև դրված նպատակներին։

Նախօրեին Պեսկովը նաև հայտարարել էր, որ Մոսկվան մտադիր չէ Եվրամիությանը թելադրել, թե ով պետք է ներկայացնի այն Ուկրաինայի հարցով բանակցություններում։ Ըստ նախագահի մամուլի քարտուղարի, ռուսաստանյան կողմը շահագրգռված է եվրոպացի ներկայացուցիչների հետ շփումների վերսկսմամբ, որպեսզի պարզի, թե նրանց դիրքորոշումները որքանով կարող են նպաստել խաղաղ կարգավորմանը։

Կրեմլում կարծում են, որ հնարավոր բանակցությունները քննարկելիս ավելի կարևոր է ոչ թե մասնակիցների անհատական կազմը, այլ նրանց առաջարկների բովանդակությունն ու երկխոսության պատրաստակամությունը։

<!—>

Հասանելի է

[—>русский

Անձ

Դմիտրի Պեսկով

Թեմա

ՔաղաքականությունՊատերազմ

Պատմություն

Ռուսաստան-Ուկրաինա պատերազմ

Տեղադրություն

Ուկրաինա

Աղբյուրը՝ NEWS.am