Մերկելը նախազգուշացրել է պոպուլիզմի պատճառով գերմանական հասարակության պառակտման սպառնալիքի մասին

Անգելա Մերկել00:25 | նոյեմբերի 2, 2026Մերկելը նախազգուշացրել է պոպուլիզմի պատճառով գերմանական հասարակության պառակտման սպառնալիքի մասին
լսել հոդվածըԿիսվել նախընտրելի դարձնել

<!—>

]—>

Գերմանիայի նախկին կանցլեր Անգելա Մերկելը նախազգուշացրել է, որ պոպուլիստական կուսակցությունները փորձում են պառակտել հասարակությունը՝ ատելություն և նախանձ հրահրելով քաղաքացիների տարբեր խմբերի միջև։ Այս մասին նա հայտարարել է նոյեմբերի 1-ին Լայպցիգում Մենդելսոնի անվան միջազգային մրցանակի հանձնման արարողության ժամանակ, հայտնում է Sueddeutsche Zeitung-ը։

Մերկելի կարծիքով, պոպուլիզմի կողմնակիցները ժողովրդին հակադրում են էլիտաներին, ինչպես նաև քաղաքացիներին բաժանում են ըստ այն բանի, թե որքան վաղուց են նրանք քաղաքացիություն ստացել։

«Կա ժողովուրդը, հետո կան էլիտաները, ինչպես նաև նրանք, ովքեր բոլորովին վերջերս են քաղաքացի դարձել, և նրանք, ովքեր ավելի վաղուց են քաղաքացի։ Այդպես փորձում են մարդկանց բաժանել խմբերի, ատելություն հրահրել, տարբերություններ դնել և նախանձ առաջացնել», — ասել է նախկին կանցլերը։

Նա ընդգծել է, որ Գերմանիայում իշխանությունը պատկանում է ժողովրդին, սակայն ժողովրդի մաս են կազմում Գերմանիայի բոլոր քաղաքացիները՝ անկախ իրենց ծագումից և քաղաքացիություն ստանալու ժամանակից։

«Կարևոր չէ՝ մարդը եկել է նախկին ԳԴՀ-ից, թե քաղաքացիություն է ստացել ընդամենը երեք տարի առաջ՝ լինելով, օրինակ, Սիրիայից։ Գերմանիայի բոլոր քաղաքացիները ժողովուրդն են», — նշել է Մերկելը։

Մերկելն արժանացել է Մենդելսոնի անվան 2026 թվականի միջազգային մրցանակին՝ «Եվրոպա» անվանակարգում։ Կազմակերպիչները նշել են նրա ներդրումը եվրոպական ինտեգրման և Եվրոպայի միասնության ամրապնդման գործում։ Երաժշտական անվանակարգում մրցանակը ստացել է գերմանացի կլառնետահար, դիրիժոր և կոմպոզիտոր Յորգ Վիդմանը։

<!—>

Հասանելի է

[—>русский

Անձ

Անգելա Մերկել

Տեղադրություն

Գերմանիա

Թեմա

ՔաղաքականությունՀասարակություն

Աղբյուրը՝ NEWS.am