Լեհաստանում ԵԽ պատգամավորին մեղադրանք է առաջադրվել Ուկրաինայի և եվրոպական երկրների դրոշները գողանալու համար

Հանցագործություն20:11 | նոյեմբերի 4, 2026Լեհաստանում ԵԽ պատգամավորին մեղադրանք է առաջադրվել Ուկրաինայի և եվրոպական երկրների դրոշները գողանալու համար
լսել հոդվածըԿիսվել նախընտրելի դարձնել

<!—>

]—>

Վարշավայի դատախազությունը Եվրախորհրդարանի պատգամավոր Գժեգոժ Բրաունի և ևս հինգ անձի դեմ մեղադրական եզրակացությունն ուղարկել է դատարան, հաղորդում է Polsat News-ը։

Բրաունին մեղադրանքներ են առաջադրվել չորս դրվագով, դրանց թվում՝ Ուկրաինայի և Եվրամիության դրոշները գողանալու, Լեհաստանի խորհրդարանում ԼԳԲՏ+ թեմայով ցուցահանդեսը ոչնչացնելու և «Նարգիզներ» ակցիայի կազմակերպիչներին զրպարտելու համար։

Վարշավայի շրջանային դատախազության տվյալներով՝ ենթադրյալ հանցագործությունները կատարվել են 2025 թվականի ապրիլին, մայիսին և հունիսին։

Մեղադրանքներից երկուսը առնչվում են դրոշների գողությանը։ Քննության վարկածով՝ Բրաունը Բյալա Պոդլյասկայի քաղաքապետարանի շենքից գողացել է Ուկրաինայի դրոշը, իսկ Կատովիցեում գտնվող Արդյունաբերության նախկին նախարարության շենքից՝ Եվրամիության դրոշը։ Գողացվածի արժեքը գնահատվում է համապատասխանաբար 20 և 388 զլոտի։

Բացի դրանից, Եվրախորհրդարանի պատգամավորին մեղադրում են Սեյմի շենքում ԼԳԲՏ+ համայնքին նվիրված ցուցահանդեսի տասը ցուցավահանակ ոչնչացնելու մեջ։ Վնասը գնահատվել է 3690 զլոտի։

Չորրորդ դրվագը վերաբերում է «Նարգիզներ» ակցիայի կազմակերպիչներին, դրանց թվում՝ Լեհ հրեաների պատմության POLIN թանգարանին զրպարտելու մեղադրանքներին։ Խոսքը 2025 թվականի ապրիլին նախագահական բանավեճերի ժամանակ Բրաունի արած հայտարարության մասին է, երբ նա դեղին նարգիզն «ամոթի և հպատակության խորհրդանիշ» էր անվանել։

Մյուս մեղադրյալների թվում է խորհրդարանի պատգամավոր Ռոման Ֆրիցը, որին մեղսագրվում է ԵՄ դրոշի գողությանը հանցակցությունը։ Եվս երեք անձ, քննության վարկածով, օգնել են գողանալ Ուկրաինայի դրոշը՝ սանդուղք տրամադրելով և տեղադրելով։

Դատախազությունը մեկնաբանել է նաև Բրաունի նկատմամբ մեկ այլ դատական վարույթ։ Դատարանը չեղարկել է հոկտեմբերի 30-ին և նոյեմբերի 6-ին նշանակված նիստերը՝ քաղաքական գործչի՝ բժշկական տեղեկանք ներկայացնելուց հետո։ Սակայն, քննության տվյալներով, հոկտեմբերի 30-ին նա մի քանի ժամ մասնակցել է Սահմանադրական տրիբունալի մոտ տեղի ունեցած ցույցին, ելույթ ունեցել, հարցազրույցներ տվել և շփվել հավաքվածների հետ։

Այդ կապակցությամբ նոյեմբերի 2-ին դատախազը դիմել է դատարան՝ խնդրելով ստուգել բժշկական տեղեկանքի իսկությունը, դրա տրամադրման հանգամանքները և ստուգում անցկացնել Լեհաստանի սոցիալական ապահովագրության վարչության միջոցով։

Հասանելի է

русский

Թեմա

ՀանցագործությունԼԳԲՏՔաղաքականություն

Տեղադրություն

Լեհաստան

Աղբյուրը՝ NEWS.am