Չինական հրթիռն ուղեծիր է դուրս բերել «Ցյանֆան» ինտերնետ-արբանյակների խումբը
Արբանյակներ12:28 | նոյեմբերի 3, 2026Չինական հրթիռն ուղեծիր է դուրս բերել «Ցյանֆան» ինտերնետ-արբանյակների խումբը
լսել հոդվածըԿիսվել
նախընտրելի դարձնել
<!—>]—>
Չինական «Լիցզյան-2 Y2» (Kinetica 2 Y2) կրող հրթիռը երեքշաբթի ուղեծիր է դուրս բերել «Ցյանֆան» 18 ինտերնետային արբանյակ՝ համալրելով Spacesail Constellation ուղեծրային խմբավորումը։ Այս մասին հայտնում է CCTV հեռուստաալիքը։
Չինաստանի գիտությունների ակադեմիայի դուստր ձեռնարկություն հանդիսացող CAS Space ընկերության հրթիռն արձակվել է Պեկինի ժամանակով ժամը 08:15-ին՝ Չինաստանի հյուսիս-արևմուտքում գտնվող Ցզյուցյուան տիեզերակայանի մերձակայքում՝ Դունֆեն առևտրային տիեզերական նորարարությունների գոտու մեկնարկային հարթակից։ Բոլոր արբանյակները հաջողությամբ դուրս են բերվել նախատեսված բևեռային ուղեծրեր։
Սա լայնաշերտ ինտերնետային կապի ծառայություններ մատուցելու համար նախատեսված Spacesail Constellation ուղեծրային խմբավորումը համալրած արբանյակների արդեն 17-րդ խմբաքանակն է։ Այժմ ուղեծրում կա այս խմբավորման 276 արբանյակ։ Ակնկալվում է, որ Shanghai Spacesail Technologies պետական ընկերության կառավարմամբ գործող խմբավորումն ապագայում կընդգրկի 12 հազար արբանյակ։
Խմբավորման տեղակայումը մեկնարկել է 2024 թվականի օգոստոսին։ Արբանյակները գործում են ցածր երկրամերձ ուղեծրում՝ Ku, Q և V հաճախականային տիրույթներում, և նախատեսված են տվյալների փոխանցման ու կապի ապահովման համար։
«Լիցզյան-1» թեթև դասի պինդ վառելիքով աշխատող հրթիռը կշռում է 135 տոննա։ Դրա բարձրությունը հասնում է 30 մետրի, իսկ տրամագիծը՝ 2,65 մետրի։ Այն կարող է ցածր երկրամերձ ուղեծիր դուրս բերել մինչև 1,5 տոննա օգտակար բեռ։
<!—>
Հասանելի է
[—>русский
Թեմա
Պատմություն
Տեղադրություն
Աղբյուրը՝ NEWS.am
