Կոտայքի բաժնի ոստիկանները կեղծ օղի պատրաստելու և իրացնելու դեպք են բացահայտել
Կեղծ ալկոհոլ11:14 | նոյեմբերի 11, 2026Կոտայքի բաժնի ոստիկանները կեղծ օղի պատրաստելու և իրացնելու դեպք են բացահայտել
լսել հոդվածըԿիսվել
նախընտրելի դարձնել
<!—>]—>
Համայնքային ոստիկանության Կոտայքի բաժնի ծառայողները օպերատիվ տեղեկություն էին ստացել, որ Բյուրեղավան քաղաքի 59-ամյա բնակիչը զբաղվում է օղու ապօրինի արտադրությամբ։
ՆԳՆ ոստիկանությունից NEWS.am–ին հայտնում են, որ իրացնելով տեղեկությունը՝ համայնաքային ոստիկանները նոյեմբերի 6-ին այցելել են Բյուրեղավանի Երիտասարդական փողոցում գտնվող նշված հասցե, որտեղ ակնհայտ տեսանելի հատվածում հայտնաբերել են առանց համապատասխան ակցիզային դրոշմանիշերի տարբեր տարողությամբ 100 շիշ օղի, 200 լիտր տարողությամբ երեք տարա՝ լցված օղու նմանվող հեղուկով, օղի թորելու սարքավորումներ և այլն։
Միաժամանակ, հետքերը վերացնելու նպատակով, արտադրամասի աշխատակիցը հարևանությամբ գտնվող տան բակ է նետել օղու պիտակներ և խցաններ, որոնք ոստիկանների կողմից հայտնաբերվել են։
Կազմված փաստաթղթերն ուղարկվել են նախաքննական մարմին։
Ոստիկանությունը հորդորում է չզբաղվել ապօրինի ձեռնարկատիրությամբ. այն քրեորեն պատժելի արարք է:
Թեմա
Տեղադրություն
Աղբյուրը՝ NEWS.am
