Գերմանիայում գերեզմանատանը Երկրորդ համաշխարհային պատերազմի ժամանակաշրջանի 250 կիլոգրամանոց ռումբ են հայտնաբերել

Տարհանում18:31 | նոյեմբերի 5, 2026Գերմանիայում գերեզմանատանը Երկրորդ համաշխարհային պատերազմի ժամանակաշրջանի 250 կիլոգրամանոց ռումբ են հայտնաբերել
լսել հոդվածըԿիսվել նախընտրելի դարձնել

<!—>

]—>

Գերմանիայի Բոխում քաղաքում վնասազերծել են բրիտանական արտադրության 250 կիլոգրամանոց ավիառումբ, որը հայտնաբերվել էր գերեզմանատանը՝ նոր գերեզման փորելու ժամանակ։ Գործողությունն իրականացնելու համար անհրաժեշտ է եղել տարհանել շուրջ հազար բնակչի և ժամանակավորապես փակել A40 ավտոմայրուղին։

Ինչպես հայտնել են Բոխումի քաղաքապետարանից, հարվածային պայթուցիչով ռումբը հայտնաբերվել է նոյեմբերի 4-ին՝ Վատենշայդ-Վեստենֆելդ թաղամասի Վեստենֆելդեր-շտրասե փողոցում գտնվող ավետարանական գերեզմանատանը։ Այն հայտնաբերել են գերեզմանատան աշխատակիցները՝ գերեզման փորելիս։

Գործողությանը մասնակցել է 137 մարդ՝ ոստիկանության և հրշեջ ծառայության աշխատակիցներ, սակրավորներ, քաղաքային ծառայությունների և օգնության կազմակերպությունների ներկայացուցիչներ։ Տարհանման գոտին ստուգելու համար անօդաչու թռչող սարք է օգտագործվել։

Մոտակա շենքերի ու տների շուրջ հազար բնակիչ ստիպված է եղել շտապ լքել իր բնակարանը կամ առանձնատունը։ Մարիա Սիբիլա Մերիանի անվան հանրակրթական դպրոցում բացված ժամանակավոր տեղավորման կետն ընդունել է 156 մարդու։ Քաղաքային հատուկ թեժ գիծն օրվա ընթացքում պատասխանել է տարհանման, ճանապարհների փակման և զինամթերքի վնասազերծման վերաբերյալ շուրջ 62 զանգի։

Ռումբը հաջողությամբ վնասազերծելուց հետո սակրավորները ստիպված են եղել առանձին պայթեցնել դրա պայթուցիչը։ Քաղաքում պայթյունի ձայն է լսվել։ Աշխատանքների ավարտից հետո սահմանափակումները հանվել են։

<!—>

Հասանելի է

[—>русский

Թեմա

ՏարհանումՊատահարներ

Տեղադրություն

Գերմանիա

Իրադարձություն

Երկրորդ համաշխարհային պատերազմ

Աղբյուրը՝ NEWS.am