Ֆրանսիայում հետաքննում են հոկտեմբերյան ցույցերի ընթացքում տեղի ունեցած բռնությունները․ ՆԳ նախարարին կանչել են խորհրդարան
Հանձնաժողովի նիստ17:14 | նոյեմբերի 3, 2026Ֆրանսիայում հետաքննում են հոկտեմբերյան ցույցերի ընթացքում տեղի ունեցած բռնությունները․ ՆԳ նախարարին կանչել են խորհրդարան
լսել հոդվածըԿիսվել
նախընտրելի դարձնել
<!—>]—>
Ֆրանսիայի ներքին գործերի նախարար Լորան Նունյեսը երեքշաբթի՝ նոյեմբերի 3-ին, ելույթ կունենա հոկտեմբերի 17-ին և 18-ին տեղի ունեցած բռնությունները հետաքննող խորհրդարանական հանձնաժողովի առջև, հայտնում է Le Monde-ը։
Լսումները կսկսվեն կառավարությանը հարցեր ուղղելու ավանդական ժամից հետո՝ տեղական ժամանակով ժամը 16:30-ին։
Ազգային ժողովի հանձնաժողովը մտադիր է պարզել, թե որքանով էին իշխանությունները պատրաստ անկարգություններին, հետախուզական ինչ տվյալներ ու ռեսուրսներ ունեին իրենց տրամադրության տակ, և ինչու չհաջողվեց նախապես գնահատել բողոքի ակցիաների մասշտաբը։ Կառավարությունն արդեն ընդունել է հոկտեմբերի 17-ի իրադարձություններին նախապատրաստվելու հարցում առկա թերությունները, իսկ Նունյեսն անձամբ քննադատության է ենթարկվել։
Խորհրդարանականները մտադիր են նաև ուսումնասիրել, թե որքան արդյունավետ են պրեֆեկտուրաները տեղեկացրել քաղաքապետերին, արդյոք եղել է օտարերկրյա միջամտություն, ինչ ազդեցություն են ունեցել սոցիալական ցանցերը, և ինչպես են կազմակերպվել անկարգությունների մասնակիցները։
Առանձին ուշադրություն կդարձվի հասարակական կարգի պահպանման ընթացքում ոստիկանության գործողություններին, իրավապահ մարմինների աշխատանքում հնարավոր խափանումներին և հետագա դատական միջոցների համարժեքությանը։
Հանձնաժողովի նախագահ, նախագահական ճամբարը ներկայացնող պատգամավոր Վենսան Կորը պնդել է, որ նախարարին լսեն հետաքննության սկզբում։ Որոշ խորհրդարանականներ, առաջին հերթին՝ ձախ ուժերի ներկայացուցիչները, կողմ են եղել լսումները հանձնաժողովի աշխատանքի ավարտին մոտ անցկացնելուն։
Նրանց կարծիքով՝ դա թույլ կտար հաշվի առնել պրեֆեկտների, քաղաքապետերի, անվտանգության ծառայությունների ղեկավարների և վկաների հարցումների ընթացքում ստացված տեղեկությունները։ Անհրաժեշտության դեպքում նախարարին կարող են կրկին լսել։
Հասանելի է
Իրադարձություն
Տեղադրություն
Անձ
Թեմա
Աղբյուրը՝ NEWS.am
