Թրամփը հայտարարել է, որ ներկայիս վարչակազմի օրոք ԱՄՆ-ն զգալիորեն առաջ է անցել Չինաստանից
Չինաստան10:49 | նոյեմբերի 3, 2026Թրամփը հայտարարել է, որ ներկայիս վարչակազմի օրոք ԱՄՆ-ն զգալիորեն առաջ է անցել Չինաստանից
լսել հոդվածըԿիսվել
նախընտրելի դարձնել
<!—>]—>
ԱՄՆ նախագահ Դոնալդ Թրամփը Կոնգրեսի միջանկյալ ընտրությունների նախաշեմին հայտարարել է, որ իր վարչակազմի օրոք Ամերիկային կրկին սկսել են հարգել ամբողջ աշխարհում, իսկ Վաշինգտոնն այժմ զգալիորեն առաջ է անցել Պեկինից։
«Մենք զգալիորեն առաջ ենք անցել Չինաստանից։ Նախագահ Սի Ծինփինը մի քանի շաբաթ առաջ եկել էր և ինձ ողջունեց հետևյալ խոսքերով. «Ա՛յ քեզ բան։ Դուք լավ աշխատանք եք կատարել»», — ասել է Թրամփը Fox News հեռուստաալիքին տված հարցազրույցում։
Նախագահը կրկին քննադատել է նախորդ վարչակազմին և վստահեցրել, որ իր ղեկավարության օրոք երկիրը սկսել են հարգել ամբողջ աշխարհում։
«Մեզ կրկին հարգում են ամբողջ աշխարհում։ Երկու տարի առաջ մեզ վրա ծիծաղում էին։ Չորս տարի շարունակ (դեմոկրատ նախագահ Ջո Բայդենի վարչակազմի օրոք) մեզ վրա ծիծաղում էին՝ ինչպես հիմարների վրա», — նշել է ամերիկացի առաջնորդը։
Թրամփը նաև կոչ է արել հանրապետականների կողմնակիցներին այցելել երեքշաբթի առավոտյան բացվող ընտրատեղամասեր և քվեարկել։
«Ես պարզապես խնդրում եմ բոլորին պատկերացնել, որ քվեաթերթիկում իմ անունն է։ Եթե մեր մարդիկ քվեարկեն, մենք փայլուն հաղթանակ կտանենք», — հայտարարել է նա։
Երեքշաբթի՝ նոյեմբերի 3-ին, ԱՄՆ-ում անցկացվում են Կոնգրեսի միջանկյալ ընտրությունները։
Քվեարկության արդյունքներով կորոշվի Ներկայացուցիչների պալատի և Սենատի կազմը։ Վիճարկվում են Կոնգրեսի ստորին պալատի բոլոր 435 տեղերը և Սենատի 100 տեղերից 35-ը։ Ներկայում Հանրապետական կուսակցությունը վերահսկում է Կոնգրեսի երկու պալատները։
Բացի այդ, երեքշաբթի գրեթե 40 նահանգներում ընտրվում են նահանգապետեր։
Նահանգների մեծ մասում ընտրատեղամասերը բացվում են տեղական ժամանակով ժամը 06:00-ին կամ 07:00-ին։ ԱՄՆ-ի ավելի քան 50 միլիոն քաղաքացի քվեարկել է վաղաժամ։
Հասանելի է
Թեմա
ՉինաստանԸնտրություններՔաղաքականություն
Անձ
Տեղադրություն
Աղբյուրը՝ NEWS.am
