Apex էլեկտրական անօդաչուն 777 կմ/ժ արագություն է զարգացրել
Ավիացիա07:02 | նոյեմբերի 3, 2026Apex էլեկտրական անօդաչուն 777 կմ/ժ արագություն է զարգացրել
լսել հոդվածըԿիսվել
նախընտրելի դարձնել
<!—>]—>
Quantum Systems ընկերությունը հայտարարել է, որ իր փորձարարական Apex Recordhunter էլեկտրական անօդաչուն փորձնական թռիչքի ընթացքում զարգացրել է 777 կմ/ժ արագություն։ Թռիչքը դեռ պաշտոնական ռեկորդ չի ճանաչվել. քամու ազդեցությունը հաշվի առնելու համար սարքը պետք է թռիչք կատարի նաև հակառակ ուղղությամբ։ Անօդաչուն Գերմանիայում մշակել է Quantum Systems ընկերության N3XT թիմը՝ մոտ 12 ամսում։ Դա ոչ թե վերջնական պատրաստի սարք է, այլ ցուցադրական նմուշ՝ բարձր արագությունների դեպքում ուժային համակարգն ու թռիչքային բնութագրերը փորձարկելու համար։
Quantum Systems-ը Apex-ի մշակման ընթացքում ստացված արդյունքներն օգտագործում է իրական որսիչ սարքի նախագծման համար, թեև անօդաչուն մարտական սարքավորումներ չունի։ Apex-ն օգտագործում է Porsche-ի դուստր ընկերության հատուկ մարտկոցային տարրեր, սակայն մանրամասն բնութագրերը չեն բացահայտվում։ Էներգիայի կառավարումը դառնում է առանցքային ինժեներական խնդիր. սարքը պետք է ապահովի բավարար հզորություն՝ բարձր արագության պայմաններում պահպանելով կայունությունը, գրում է «Техкульт»-ը։ Էներգիայի սպառման, մարտկոցի տարողության և թռիչքի տևողության մասին տվյալներ չկան, իսկ ռեկորդը դեռ պետք է հաստատվի։
Quantum Systems-ը նշում է, որ Apex-ի տեխնոլոգիան կարող է օգնել ավելի արագ օդային սպառնալիքներին հակազդելու համար նախատեսված որսիչ անօդաչուների մշակման գործում։ Բարձր արագությամբ ռազմական անօդաչուների ի հայտ գալը պահանջել է համապատասխան որսման համակարգերի ստեղծում, և Apex-ի մշակման ժամանակ հաշվի է առնվել էլեկտրական շարժիչների, էներգասպառման կառավարման և բարձր արագությամբ թռիչքների ոլորտներում կուտակված փորձը։
<!—>
Հասանելի է
[—>русский
Թեմա
Օբյեկտ
Աղբյուրը՝ NEWS.am
