Մալխաս Ամոյանը հաղթելով Թուրքիայի ներկայացուցչին դարձավ Եվրոպայի չեմպիոն

Ռումինիայի մայրաքաղաք Բուխարեստում ընթացող հունահռոմեական ոճի ըմբշամարտի Եվրոպայի առաջնության եզրափակչում 77 կգ քաշային Մալխաս Ամոյանը գոտեմարտեց Թուրքիայի ներկայացուցիչ Յունուս Բասարի հետ, և 7-0 հաշվով հաղթեց՝ դառնալով Եվրոպայի առաջնության չեմպիոն։

Մալխաս Ամոյանը պայքարը սկսել է 1/8 եզրափակչից, որտեղ 10:1 հաշվով տպավորիչ հաղթանակ է տարել իտալացի Ռիկարդո Վիտո Աբրեսցիայի նկատմամբ: Քառորդ եզրափակիչում 3:2 հաշվով առավելության է հասել անկախ երկրների դրոշի ներքո հանդես եկող ռուսաստանցի Ադլետ Տյուլուբաևի նկատմամբ, իսկ կիսաեզրափակչում 2։1 հաշվով ուժեղ է գտնվել մոլդովացի Ալեքսանդրին Գուտուից։