Բաժին : Աշխարհ/Տարածաշրջան
Ռուսաստանում Coca-Cola-ն նախատեսվում է փոխարինել բելառուսական Bela-Cola գազավորված ըմպելիքով
Ռուսաստանում Coca-Cola-ի արտադրանքը նախատեսվում է փոխարինել բելառուսական Bela-Cola գազավորված ըմպելիքով։ Ռուսական շուկայի մի մասը զբաղեցնելու պատրաստակամության մասին հայտարարվել է բելառուսական СТВ հեռուստաալիքի եթերում։
Արդեն ստորագրվել է հուշագիր նորարարությունների ոլորտում գործարար կապերի ընդլայնման վերաբերյալ։
«Համաձայնություն է ձեռք բերվել միութենական պետությունների խոշոր բիզնեսի ներկայացուցիչների միջև»,- ասվում է հեռուստատեսային ռեպորտաժում:
Հստակեցվում է, որ ըմպելիքի արտադրության տեխնոլոգիան պահպանվել է, և բելառուսական համարժեքը չպետք է զիջի օրիգինալին։
Coca-Cola Hellenic Bottling Company-ն (Coca-Cola HBC) հունիսին հայտարարել է Ռուսաստանում արտադրությունը դադարեցնելու իր որոշման մասին: «Coca-Cola» ապրանքանիշով խմիչքների վաճառքը նույնպես դադարեցվում է։