Բաժին : Տնտեսություն/Բիզնես
Անկարան և Վաշինգտոնը քննարկել են առևտրային կապերի ընդլայնումը
Թուրքիայի առևտրի նախարար Ռուհսար Փեքջանը տեսակոնֆերանսի ձևաչափով բանակցություններ է վարել ԱՄՆ առևտրային ներկայացուցիչ Քեթրին Թեյի հետ: Այս մասին տեղեկացնում է «Անադոլու» գործակալությունը:
«Մենք արդյունավետ հանդիպում ունեցանք ԱՄՆ առևտրային ներկայացուցիչ Քեթրին Թեյի հետ` մտքեր փոխանակելով գլոբալ և երկկողմ հարցերի շուրջ»,-տեղեկացրել է Փեքջանը իր թվիթերյան էջում:
Նրա խոսքերով` կողմերը գնահատել են Թուրքիայի և ԱՄՆ-ի առևտրատնտեսական հարաբերությունների ներկա վիճակը:
Գերատեսչության ղեկավարը ընդգծել է, որ հանդիպման ընթացքում հաստատուն կամք է արտահայտվել երկու երկրների միջև առևտուրը զարգացնելու ուղղությամբ:
«Մենք քննարկել ենք նոր քայլեր, որոնք պետք է ձեռնարկվեն` մեր երկրների միջև առևտրի հետագա դյուրացման և երկկողմ առևտրի ծավալների ավելացման ուղղությամբ»,-գրել է թուրք նախարարը:
