Զելենսկին հայտարարել է Կոնգրեսի ընտրություններում դեմոկրատների հաղթանակից հետո ԱՄՆ-ից 16 միլիարդ դոլարի օգնություն ստանալու մտադրության մասին
Քաղաքականություն12:06 | նոյեմբերի 6, 2026Զելենսկին հայտարարել է Կոնգրեսի ընտրություններում դեմոկրատների հաղթանակից հետո ԱՄՆ-ից 16 միլիարդ դոլարի օգնություն ստանալու մտադրության մասին
լսել հոդվածըԿիսվել
նախընտրելի դարձնել
<!—>]—>
Ուկրաինան կարող է հասնել ԱՄՆ խոստացած 16 միլիարդ դոլարի օգնության ապասառեցմանը Կոնգրեսի ընտրություններում դեմոկրատների հաղթանակից հետո, հայտարարել է Ուկրաինայի նախագահ Վլադիմիր Զելենսկին։ «Այժմ կարող են մեծանալ Ամերիկայի Միացյալ Նահանգներից լրացուցիչ օգնություն ստանալու մեր հնարավորությունները։ Պետք է բարձրացնել այն հարցը, որ նախկին պայմանավորվածությունների և որոշումների շրջանակում նախատեսված 16 միլիարդ դոլարը պահվել է և չի փոխանցվել Ուկրաինային», — ասել է Զելենսկին ТСН հեռուստաալիքի հարցազրույցում։
Նա նշել է, որ երախտապարտ է «այն ամենի համար, ինչ տրվել է», սակայն չստացված միջոցների համար Ուկրաինան «առնվազն պետք է պայքարի»։ Դրա համար, Ուկրաինայի առաջնորդի խոսքով, Կիևը պետք է «ճիշտ կառուցի երկխոսությունը» և համախմբի երկու կուսակցությունների աջակցությունը։ «Թող ԱՄՆ-ում ոչ ոք չնեղանա», — հավելել է Զելենսկին։ Դոնալդ Թրամփի՝ Սպիտակ տուն վերադառնալուց հետո ԱՄՆ-ը դադարեցրել է Ուկրաինային ֆինանսական և ռազմական օգնության տրամադրումը, սակայն շարունակել է հետախուզական տվյալներ տրամադրել Ուկրաինայի զինված ուժերին, ինչպես նաև զենք վաճառել եվրոպական երկրներին, որոնք այն այնուհետև փոխանցում են Կիևին։
Մինչ այդ ԱՄՆ Դեմոկրատական կուսակցությունից հայտնել էին, որ 2027 թվականի հունվարին Կոնգրեսի նոր կազմի աշխատանքը սկսելուց հետո Ուկրաինային աջակցությունը կդառնա կուսակցության առաջնահերթություններից մեկը։ Մասնավորապես, նոյեմբերի 3-ի միջանկյալ ընտրություններում Ներկայացուցիչների պալատի և Սենատի նկատմամբ վերահսկողություն ստացած դեմոկրատները մտադիր են հասնել Ուկրաինային ռազմական և ֆինանսական օգնության վերսկսմանը։ Reuters-ի աղբյուրների տվյալներով՝ դեմոկրատները կկարողանան ակնկալել նաև հանրապետականների մի մասի աջակցությունը, որոնք նախկինում հանդես էին գալիս Կիևին սպառազինության մատակարարումները շարունակելու օգտին։ Եթե Թրամփը վետո դնի նրանց օրինագծերի վրա, ապա դրա հաղթահարման համար յուրաքանչյուր պալատում կպահանջվի ձայների երկու երրորդը։
Հասանելի է
Թեմա
ՔաղաքականությունՈւկրաինայի պատերազմ
Տեղադրություն
Անձ
Աղբյուրը՝ NEWS.am
