Վրաստանում սահմանափակել են կցորդիչով և կիսակցորդիչով մեքենաների երթևեկությունը ՌԴ–ն Հայաստանին կապող ավտոճանապարհին
Վրաստան09:20 | նոյեմբերի 7, 2026Վրաստանում սահմանափակել են կցորդիչով և կիսակցորդիչով մեքենաների երթևեկությունը ՌԴ–ն Հայաստանին կապող ավտոճանապարհին
լսել հոդվածըԿիսվել
նախընտրելի դարձնել
<!—>]—>
Վրաստանում ժամանակավորապես սահմանափակել են կցորդներով և կիսակցորդներով ավտոմեքենաների երթևեկությունը Ռազմավիրական ճանապարհի՝ Գուդաուրիի և Կոբիի միջև ընկած հատվածում։ Պատճառը ձյունն ու ցածր ջերմաստիճանն են, հայտնում է Վրաստանի տարածաշրջանային զարգացման և ենթակառուցվածքների նախարարության ավտոճանապարհների դեպարտամենտի մամուլի ծառայությունը։
Սահմանափակումը գործում է Մցխեթա–Ստեփանծմինդա–Լարս միջազգային ավտոճանապարհի 93-րդից 107-րդ կիլոմետրն ընկած հատվածում։ Մյուս տրանսպորտային միջոցները կարող են ճանապարհով երթևեկել առանց սահմանափակումների։
Ռազմավիրական ճանապարհն անցնում է Կովկասյան գլխավոր լեռնաշղթայով և Վլադիկավկազը կապում Թբիլիսիին։ Ստեփանծմինդա–Լարս հատվածն այս ճանապարհի մասն է. այն տանում է դեպի ռուս-վրացական սահման, որտեղ գտնվում է «Վերին Լարս» անցակետը։ Այս երթուղով իրականացվում է Ռուսաստանի ավտոմոբիլային հաղորդակցությունը Վրաստանի, այնուհետև՝ Հայաստանի և Անդրկովկասի այլ երկրների հետ։
Ձմռանը Ռազմավիրական ճանապարհով երթևեկությունը պարբերաբար սահմանափակվում կամ ժամանակավորապես դադարեցվում է ձյան տեղումների, մերկասառույցի և ձնահյուսի վտանգի պատճառով։
Հասանելի է
Տեղադրություն
Թեմա
ՁյունատեղումԵրթևեկության փոփոխությունՏրանսպորտ
Աղբյուրը՝ NEWS.am
