Թրամփն իր թիմի հետ Իրանի հարցով ընտրություններից հետո առաջին խորհրդակցությունն է անցկացրել
CENTCOM08:17 | նոյեմբերի 6, 2026Թրամփն իր թիմի հետ Իրանի հարցով ընտրություններից հետո առաջին խորհրդակցությունն է անցկացրել
լսել հոդվածըԿիսվել
նախընտրելի դարձնել
<!—>]—>
ԱՄՆ նախագահ Դոնալդ Թրամփն ազգային անվտանգության իր թիմի հետ Իրանի հարցով առաջին խորհրդակցությունն է անցկացրել ԱՄՆ Կոնգրեսի միջանկյալ ընտրություններից հետո, հայտնում է Axios-ը՝ հղում անելով իրազեկ աղբյուրներին։
«Հինգշաբթի Թրամփն ու ազգային անվտանգության հարցերով նրա գլխավոր խորհրդականները հետախուզական հարցերով ամենշաբաթյա ճեպազրույցի շրջանակում ընտրություններից հետո առաջին անգամ հանդիպել են՝ քննարկելու Իրանի հարցը», — հայտնել է պորտալի զրուցակիցը։
Ավելի վաղ հաղորդվել էր, որ ԱՄՆ նախագահը դիտարկում է Իրանի նկատմամբ գործողությունների երեք տարբերակ՝ նոր հարվածներ հասցնել, շարունակել տնտեսական ճնշումը Թեհրանի վրա կամ գործարք կնքել։
Իր թիմի հետ հանդիպումից հետո Թրամփը լրագրողներին ասել է. «Այժմ մենք որոշում կկայացնենք»։
«Ես կնախընտրեի չավերել երկրի մնացած մասը, եթե դա հնարավոր է, բայց գուցե ստիպված լինեմ դա անել։ Շուտով կիմանաք», — նշել է նա։
Մինչդեռ, պորտալի աղբյուրների տվյալներով, ԱՄՆ զինված ուժերի կենտրոնական հրամանատարությունը (CENTCOM) ավարտում է Իրանում լայնածավալ մարտական գործողությունների հնարավոր վերսկսման նախապատրաստական աշխատանքները, թեև Վաշինգտոնից նոր հրահանգներ չի ստացել։
Axios-ն ընդգծում է, որ ԱՄՆ-ի՝ հարվածները վերսկսելու մտադրության ազդակներից մեկը կարող է լինել ԱՄՆ ռազմածովային ուժերի երրորդ ավիակիր հարվածային խմբի ժամանումը Մերձավոր Արևելք։
Պորտալի աղբյուրը հայտնել է, որ «Թեոդոր Ռուզվելտ» էսկադրային ականակիրը և նրա հարվածային խումբը ուրբաթ օրվանից մի քանի օր կանցկացնեն Սինգապուրում։
Այն Մերձավոր Արևելք կժամանի նոյեմբերի կեսից ոչ շուտ։
Հասանելի է
Կազմակերպություն
Անձ
Տեղադրություն
Թեմա
ՔաղաքականությունԱՄՆ-Իրան հարաբերություններ
Աղբյուրը՝ NEWS.am
