Թրամփի պարտությունից հետո սոցիալիստները գլխավորել են ամերիկյան երեք խոշորագույն քաղաքները

Դոնալդ Թրամփ23:30 | նոյեմբերի 6, 2026Թրամփի պարտությունից հետո սոցիալիստները գլխավորել են ամերիկյան երեք խոշորագույն քաղաքները
լսել հոդվածըԿիսվել նախընտրելի դարձնել

<!—>

]—>

Ընտրություններում Թրամփի պարտությունից հետո սոցիալիստներն ամրապնդում են իրենց դիրքերն ԱՄՆ-ում․ նրանք գլխավորել են ամերիկյան երեք խոշորագույն քաղաքները։

Դեմոկրատական կուսակցության ձախ թևի ներկայացուցիչները հաղթել են Լոս Անջելեսի և Վաշինգտոնի քաղաքապետերի ընտրություններում։ Լոս Անջելեսում Նիթյա Ռամանը հաղթել է գործող քաղաքապետ Կարեն Բասին, իսկ ԱՄՆ մայրաքաղաքում հաղթանակ է տարել Ջանիս Լյուիս Ջորջը։ Այսպիսով, Նյու Յորքի հետ միասին, որը ղեկավարում է Զոհրան Մամդանին, ԱՄՆ երեք խոշորագույն քաղաքական և տնտեսական կենտրոններն այժմ գլխավորում են իրենց ժողովրդավարական սոցիալիստներ անվանող քաղաքական գործիչներ։

Ամերիկացի քաղաքական փորձագետ Փիթեր Ռաֆը կարծում է, որ միջանկյալ ընտրություններում հանրապետականների պարտությունը կարող է հանգեցնել Դեմոկրատական կուսակցության ձախ թևի զգալի ուժեղացմանը։ Միաժամանակ, նրա կարծիքով, քվեարկությունն առաջին հերթին Դոնալդ Թրամփի վարչակազմից դժգոհության արտահայտություն էր, այլ ոչ թե սոցիալիստական ծրագրի աջակցություն։

«Ես ընտրությունները չէի մեկնաբանի որպես դեմոկրատների խանդավառ հավանություն, այլ ավելի շուտ՝ որպես գործող իշխանության պատիժ»,- Bild-ի հետ զրույցում ասել է նա։

Կոնգրեսի երկու պալատներում դեմոկրատների հաղթանակը կուսակցությանը հնարավորություն կտա ավելի ակտիվորեն առաջ մղել իր օրենսդրական օրակարգը 2028 թվականի նախագահական ընտրություններից առաջ։ Թեև Թրամփը կկարողանա վետոյի միջոցով արգելափակել օրինագծերը, դեմոկրատները Սենատի միջոցով դաշնային դատավորների հաստատման գործընթացի վրա ազդելու հնարավորություն կստանան։ Ռաֆի գնահատմամբ՝ այս փոփոխության հետևանքները կարող են երկար տարիներ զգացվել ամերիկյան դատական համակարգում։

<!—>

Հասանելի է

[—>русский

Անձ

Դոնալդ ԹրամփԶորան Մամդանի

Թեմա

ԸնտրություններՔաղաքականություն

Տեղադրություն

ԱՄՆ

Աղբյուրը՝ NEWS.am