Լավ փոփոխությունների սպասող լոռեցիները համախմբվել են մարզկենտրոն Վանաձորում՝ մեկ նպատակի շուրջ․ հունիսի 7-ին իրենց քվեով նոր էջ բացել Հայաստանի պատմության մեջ և ազդարարել մեր երկրի սպասված վերածնունդը։

Վանաձորում տիրող ոգևորիչ մթնոլորտն ու համախմբվածությունը սկիզբն են այն մեծ ծրագրերի, որոնք միասնական ջանքերով իրականացնելու ենք հանուն մեր բոլորի՝ արժանապատիվ, անվտանգ և բարեկեցիկ ապագայի։
Բազմաթիվ անգամներ շեշտել եմ՝ ձեր վստահությունն ինձ համար ամենամեծ պատասխանատվությունն է, և ես այն պահելու ու պահպանելու եմ։

Սիրելի՛ հայրենակիցներ, միասին՝ դեպի լավ փոփոխություններ։

The post Լավ փոփոխությունների սպասող լոռեցիները համախմբվել են մարզկենտրոն Վանաձորում appeared first on Norlur.am.

Այսօր Հայաստանի տնտեսությունը կանգնած է լրջագույն մարտահրավերների առաջ։ Բիզնեսի ներկայացուցիչների, ներդրողների և հազարավոր աշխատող քաղաքացիների մոտ օրեցօր խորանում է անորոշության զգացումը, որովհետև իշխանությունը ձևավորել է մի համակարգ, որտեղ տնտեսական հարաբերությունները պայմանավորվում են ոչ թե օրենքով, այլ քաղաքական նպատակահարմարությամբ։

Սեփականության իրավունքը, որը պետք է լինի պետության և տնտեսության կայունության հիմնասյուներից մեկը, այլևս պաշտպանված չէ։ Գործարար միջավայրում ձևավորվել է վտանգավոր ընկալում, որ խոշոր բիզնեսի անվտանգությունը կախված է կառավարող խմբի նկատմամբ քաղաքական հավատարմությունից, իսկ իշխանության հետ անհամաձայնությունը կարող է վերածվել վարչական ճնշումների, հարկային հետապնդումների կամ տնտեսական թիրախավորման։ Փաստացի, վարչապետն ամեն օր անոնսավորում է ինչ-որ բան «խլելու» մասին:

Այս մթնոլորտը կործանարար է տնտեսության համար։ Որևէ լուրջ գործարար ներդրում չի անի այն երկրում, որտեղ վաղվա օրը կանխատեսելի չէ, որտեղ բիզնեսը ստիպված է մտածել ոչ միայն շուկայի, այլ նաև քաղաքական ռիսկերի մասին։ Արդյունքում՝ նվազում են ներդրումները, տնտեսությունը կորցնում է մրցունակությունը, փակվում են աշխատատեղեր, իսկ սոցիալական խնդիրներն ավելի են խորանում։

Միևնույն ժամանակ, Հայաստանի արտաքին քաղաքականության արկածախնդրությունը նոր վտանգներ է ստեղծում։ Ռուսաստանի հետ հարաբերություններում խորացող ճգնաժամը և ավանդական շուկաների հետ կապված խնդիրները հարվածում են հայկական արտադրողին ու արտահանողին։ Այս ամենն արդեն հանգեցրել է բիզնեսների կրճատման, արտադրության նվազման և բազմաթիվ ընտանիքների սոցիալական վիճակի վատթարացման։

Մյուս կողմից, Ադրբեջանի և Թուրքիայի հետ հարաբերություններում գործող ներկայիս քաղաքականությունը պարունակում է տնտեսական լուրջ ռիսկեր։ Առանց անվտանգության հստակ երաշխիքների և առանց ազգային տնտեսական շահերի պաշտպանության՝ Հայաստանը կարող է հայտնվել ավելի մեծ տնտեսությունների ճնշման ու ազդեցության տակ։ Սա վտանգ է ոչ միայն առանձին գործարարների, այլև մեր տնտեսական ինքնիշխանության համար։

«Բարգավաճ Հայաստան» կուսակցությունը համոզված է՝ պետությունն ու բիզնեսը պետք է լինեն գործընկերներ, ոչ թե հակառակորդներ։

Մենք երաշխավորում ենք՝

● սեփականության իրավունքի անվերապահ պաշտպանություն և սեփականության վերաբաժանման ցանկացած վտանգավոր նախադեպի բացառում,

● բիզնեսի նկատմամբ քաղաքական ճնշումների և ընտրովի վերաբերմունքի դադարեցում,

● ներդրումային միջավայրի արմատական բարելավում՝ հստակ, կանխատեսելի և բիզնեսամետ օրենսդրական փոփոխությունների միջոցով,

● հայ-ռուսական տնտեսական հարաբերություններում առկա ճգնաժամի հաղթահարում՝ Հայաստանի տնտեսությունը նոր ցնցումներից պաշտպանելու նպատակով,

● հայ-ադրբեջանական հարաբերություններում երաշխավորված խաղաղության մոդելի ներդրում, որը հնարավորություն կտա Հայաստանին զարգանալ անվտանգ, հավասարակշռված և կայուն միջավայրում։

Մենք համոզված ենք՝ ուժեղ պետություն հնարավոր չէ կառուցել թույլ տնտեսությամբ, իսկ ուժեղ տնտեսություն հնարավոր չէ ունենալ վախի, անորոշության և քաղաքական հաշվեհարդարի պայմաններում։

Հայաստանին անհրաժեշտ է նոր տնտեսական մթնոլորտ, որտեղ գործարարն իրեն պաշտպանված կզգա, ներդրողը վստահ կլինի ապագայի նկատմամբ։ Տնտեսությունը չի կարող լինել իշխանամետ կամ ընդդիմադիր, այն պետք է ծառայի պետության հզորացմանն ու ժողովրդի բարեկեցությանը։

The post Բաց խոսակցություն բիզնեսի հետ. Հրաչյա Ռոստոմյան appeared first on Norlur.am.

Նիկոլ Փաշինյանի ինքնահակադարձումների ծավալը գերազանցում է Սովետական հանրագիտարանների ծավալին. ամենամեծ հարցերից մինչև միջանձնային հարցեր Փաշինյանը հակադարձում է ինքն իրեն:

Տավուշում մի գողտրիկ գյուղ կա` Բարեկամավանը:

2018 թվականի հունիսին , երբ Նիկոլ Փաշինյանը նոր էր ընտրվել վարչապետի պաշտոնում, ԱԺ իմ Ելույթում արձանագրում եմ Տավուշի մարզի սահմանամերձ Բարեկամավան գյուղի խնդիրները և ելույթս տեղ է գտնում նաև «Հայկական Ժամանակում», միգուցե նրա համար, որ նորընտիր վարչապետը գտնում էր , որ դրանք « նախկինների» օրոք առաջացած խնդիրներ են և իրենց կառավարությունը լուծումներ է տալու դրանց։

8 տարի է«նախկինները »արդեն նախկին են, բայց սահմանամերձ գյուղերի վիճակը գնալով վատթարանում է։ Ինչպես և նախկինում ջուր չկա, գազ չկա, աշխատատեղ չկա , հիմա էլ դպրոց չի լինելու: Բարեկամավանում ութ տարում գյուղի անտեսվածությունը հանգեցրել է նրան, որ համայնքն էլ ավելի դատարկվել է: Ես զրուցեցի տեղի բնակչի հետ, ում անունը չեմ հայտնի, որը տեղեկացրեց դպրոցի չլինելը գյուղը ամբողջովին դատարկելու վերջին մեխն է: Արձանագրեց. «Գյուղում միայն գերեզմանատունը կմնա, երևի չեն քանդի»:
Փաստորեն, հեղափոխական իշխանությունը չեկավ, որ վերացնի Բարեկամավան գյուղի խնդիրները և առաջնորդվեց հայտնի խոսքովչկա գյուղ, չկա խնդիր: Գործող իշխանությունը գիտակցում է, որ դպրոցը գյուղի ծուխն է, համայնքին միավորող վայրը, երեխային գյուղին կապող հենքը: Սահմանապահ բարեկամավանցիները մնացել են առանց բարեկամների։ Դիմացը ադրբեջանցին է, թիկունքում անտարբերությունը, այլընտրանքն արտագաղթն է, և արձանագրումըՀայաստանը կորցնում է ևս մեկ գյուղ: Ահա թե ինչպես են դատարկվում Հայաստանի սահմանամերձ գյուղերը, որոնք դժվար թե պատահական մոտեցման հետևանք լինեն: Հունիսի 7-ին N7-ին, որ մնաս քո տանը` ապահով ու բարգավաճ:

Հ.Գ. 2018թ ելույթս տես մեկնաբանությունում

The post Սահմանապահ գյուղերում դպրոց փակելը գյուղերն ամբողջովին դատարկելու վեջին մեխն է. չկա գյուղ, չկա խնդիր appeared first on Norlur.am.

Աշխարհն այսօր նշում է Ընտանիքի միջազգային օրը։ Սա, իմ կարծիքով, մարդկության համար ամենակարևոր և խորհրդանշական օրերից մեկն է։ Հայաստանի համար ընտանիքըորպես ինստիտուտ, վերջին տարիներին ավելի մեծ կարևորություն է ձեռք բերել։ Երբ պետությունը, երկիրը, ազգը հարվածներ են ստանում պատերազմի ու ծանր կորուստների տեսքով, ընտանիքը դառնում է մեր ամրությունը և ուժը պահպանող առանցքը։ Երբ հանրային համերաշխությունը խաթարված է, երբ կարևորագույն արժեքները վտանգված են, ընտանիքը դառնում է մեր հասարակության համար արժեքային ամենամեծ հենարանը։ Այս դժվար ժամանակներում հենց ընտանիքն է մեր հասարակության հենման ամենաամուր կետը։
Ու ես շատ կուզեի, որ մենք կարողանայինք որպես հասարակություն դառնալ ամուր ընտանիքի պես։ Ներողամիտ, հանդուրժող, սիրող, օգնող — ընտանիքի անդամների պես վերաբերվենք մեր հայաստանյան հասարակության բոլոր անդամներին։ Ի վերջո, այնքան փոքր է մեր երկիրը, որ դա ամենևին դժվար չէ անել, եթե լինի քաղաքական կամք և գիտակցում։

Ընտանիքի հանդեպ հոգածությունը պիտի դրսևորվի նաև հատկապես նախընտրական շրջանում, երբ քաղաքական գործընթացի բոլոր մասնակիցները շատ փխրուն վիճակում են։ Ես ինքս վաղուց որոշում եմ կայացրել, որը երբեք չեմ խախտումչթիրախավորել քաղաքական մրցակիցների ընտանիքի անդամներին, հատկապես եթե նրանք ներգրավված չեն քաղաքական կոնկրետ գործընթացներում։ Ես չեմ շեղվելու այս որոշումից և զերծ եմ պահելու մեր նախընտրական արշավը բոլոր նման դրսևորումներից։ Դրա փոխարեն, ես ուզում եմ, որ մեր բոլորի քարոզչության հիմքում լինի հանդուրժողականությունը և քաղաքակիրթ բանավեճը, ինչպես նաև փոխադարձ հոգատարությունը մի մեծ ընտանիքի պես։ Մեր երկիրը այս ընտրություններով շարժվում է դեպի դրական փոփոխություններ, մենք պիտի մեր մեծ ընտանիքը` մեր հասարակությունը, առողջ և կայուն առաջնորդենք դեպի այդ նոր, լուսավոր շրջանը։
Խաղաղություն և բարգավաճում բոլոր ընտանիքներին։

The post Կոչս մեր բոլոր ընտանիքներին՝ պատրաստվեք լավ փոփոխությունների appeared first on Norlur.am.

Սահմանապահ այս մարզում բնակիչը պետք է վստահ լինի, որ պաշտպանելով հայրենի սահմանը՝ կարող է նաև ապահովել իր ընտանիքի արժանապատիվ կյանքն ու ապագան։ Մեր առաջնային նպատակը հենց այդ վստահության, անվտանգության և զարգացման պայմանների ստեղծումն է։

Ժողովրդին պետք է հույս տալ, կայունություն և առաջ շարժվելու իրական հնարավորություններ ստեղծել։ Երևանից մինչև ամենահեռավոր սահմանամերձ համայնք՝ մարդիկ պետք է զգան դրական փոփոխություններն ու պետության հոգատար վերաբերմունքը։

The post Տավուշի մարզի՝ Նոյեմբերյան և Բերդ համայնքներում շարունակվում է քարոզարշավը appeared first on Norlur.am.

Չնայած հորդառատ անձրևներին՝ մարդիկ չեն ցանկանում ընդհատել հանդիպումները։ Անկեղծ շփվում են, բարձրաձայնում իրենց համայնքներում չլուծված հարցերը, խոսում առհասարակ կառավարման համակարգում առկա խնդիրների մասին։
Մարդիկ ուզում են, որ իրենց լսեն։ Ուզում են խոսել իրենց դարդ ու ցավի մասին, տեսնել իրենց խնդիրների իրական լուծումները։ Մարդիկ հոգնել են վիրավորանքներից, պիտակավորումներից ու բաժանարար գծերից։

Անկախ բոլոր խնդիրներից՝ իմ կոչն ու հորդորը բոլոր համայնքներում մեկն է․ միասնական ուժերով կարող ենք փոխել այս իրավիճակը և ունենալ բարգավաճ Հայաստան։
Այնպես որ, պատրաստվե՛նք լավ փոփոխությունների։

The post Նախընտրական քարոզարշավի հերթական կանգառները Տավուշի մարզի Աչաջուր, Իջևան և Գոշ համայնքներն են appeared first on Norlur.am.

The post ԲՀԿ նախագահ Գագիկ Ծառուկյանը Երևանի Շենգավիթ վարչական շրջանում քաղաքացիների հետ մասնակցում է միասնական քայլերթի։ appeared first on Norlur.am.

Հայաստանի մեծագույն հարստությունը մշակութային անսպառ ժառանգությունն է, որը մեզ է հասել որպես անգին նվեր՝ հաղթահարելով հազարամյակների փորձությունները։
Ի՞նչ ենք մենք այսօր գումարում այդ հարստությանը, ինչպիսի՞ մշակութային շերտ է ստեղծվում այսօր։
Մշակութային ժառանգություն և ժամանակակից արվեստ. այս երկու առանցքներից կառչած՝ իրեն բաժին հասած նոր փորձություններին է դիմադրում այսօրվա հասարակությունը, և դրանց միջոցով էլ ձևավորվում է վաղվա Հայաստանը։
Հայաստանի մշակութային քաղաքականության շուրջ մեր պատկերացումները փորձենք հնարավորին չափ սեղմ ներկայացնել.

Ընդհանուր դրույթներ

• Մշակութային քաղաքականությունը պիտի լինի միաժամանակ և´ պրագմատիկ, և´ մեծ երազանքներից սնվող։ Մշակույթի դաշտը, ստեղծական միջավայրը չեն կարող ընտրություն կատարել այս երկուսի միջև, դրանք պիտի լինեն համաժամանակյա և փոխպայմանավորող։
• Մշակութային քաղաքականության արդյունավետությունը տուժում է այսօրվա մոդելի՝ ԿԳՄՍՆ ձեռքերում միակամ կենտրոնացված կառավարման պատճառով։ Մշակույթի, արվեստի և ստեղծարար արդյունաբերության ոլորտների ուղղաձիգ կառավարման մոդելը բնորոշ է տոտալիտար երկրներին։ Հայաստանի պես փոքր և ինքնատիպ մշակույթով ու մարդկային ռեսուրսով երկրում նման մոդելը.
• բերում է լճացման,
• փլուզում է ստեղծագործական միավորների ինքնավարությունը, ինքնուրույնությունը և հետևաբար՝ ինքնատիպությունը,
• կաշկանդում է նախաձեռնողականությունը,
• վանում է ազատ ստեղծագործողին՝ ստիպելով անվերջ մտնել պաշտոնյաների կաբինետներ, և ազատ ստեղծագործության փոխարեն նրան ստիպում է հյուսել արվեստագետի համար անցանկալի կոնյունկտուրա՝ դրանից բխող ոչ արվեստային, հակամշակութային հետևանքներով։
• Մշակույթի, արվեստի ոլորտի ուղղաձիգ կառավարումից անհրաժեշտ է անցնել ինքնավարությունը և անհատական պատասխանատվությունը խթանող մոդելների զարգացման՝ պետությունից անկախ, բայց պետության հովանավորությամբ գործող մասնագիտացված առանձին միավորների ստեղծմամբ՝ մշակույթի գործակալություններ, հիմնադրամներ (ըստ արվեստի և ստեղծարար արդյունաբերության ճյուղերի)։
• Պետությունը պետք է առատորեն ֆինանսավորի և տեխնիկապես աջակցի մշակույթի ոլորտին՝ խթանելով արվեստը, անհատի ստեղծականությունը, բայց հանդես գա ոչ թե որպես «ֆեոդալ», որին այդ «դաշտը պատկանում է», կամ էլ որպես չոր վերահսկող, այլ՝ որպես հոգատար գործընկեր, որի համար կարևոր է արդյունքը (այդ թվում՝ հեռահար), և արվեստի ու ստեղծականության դաշտը պիտի ազատ պահի թե´ ուղիղ ոտնձգություններից, և թե´ բյուրոկրատացման, լճացման վտանգից։

1. Մշակութային ժառանգություն. պահպանում և ծաղկեցում

Մշակութային քաղաքականություն իրականացնողները պիտի առավելագույն պատասխանատվությամբ մոտենան այս ոլորտին՝ գիտակցելով, որ իրենք ընդամենը պատմական մի կարճ ժամանակահատվածում պահապաններն են մինչև մեր օրերը հասած մշակութային հարստության։

Այս գիտակցումը կօգնի.

• Միավորել բոլոր ոլորտների լավագույն մասնագետների ուժերը՝ Հայաստանում և սփյուռքում, անկախ՝ քաղաքական և անձնական համակրանքներից
• Ստեղծել մշակութային ժառանգության պահպանման արդյունավետ, կենսունակ համակարգ։

Մենք բոլորս մեր մշակութային ժառանգության պահապաններն ենք. այս մոտեցումը պիտի փորձենք տարածել՝ սկսած մանկապարտեզից։ Մշակութային նյութական և ոչ նյութական հարստության պահպանումը, խնամքը պիտի լինեն սովորական առօրյա գիտելիքի, անելիքի մաս՝ Հայաստանում և աշխարհում։ Սրա համար ամենակարևոր պայմանն այդ հարստությունը ճանաչելն է, ինչի համար պիտի ստեղծվեն բազմազան ուսումնական, ժամանցային նախագծեր՝ ճարտարապետության, կերպարվեստի, գրականության, երաժշտության և մյուս բոլոր ոլորտների առանցքային դեմքերի և ստեղծագործությունների։

Հայ եկեղեցին՝ մշակութային ժառանգության պահպանման ատենապետ. Հնագույն հարստությունների պահպանման գործում պետության ամենամեծ գործընկերը Հայ Առաքելական Սուրբ Եկեղեցին է՝ իր աշխարհասփյուռ բոլոր կառույցներով, իր փորձով, իր հեղինակությամբ։

Մշակութային ժառանգությունը սերունդներին փոխանցել ավելի լավ վիճակում, քան ստացել ենք. սա պիտի լինի պետության և քաղաքացու կարևորագույն անելիքներից։ Ծաղկեցնել ստացածը՝ վերաբերվելով առավելագույն զգուշությամբ և պատասխանատվությամբ, բայց նաև՝ ստեղծագործական մոտեցմամբ՝ ներգրավելով հետաքրքիր և ժամանակակից գաղափարներ, օգտագործելով նորարարական տեխնոլոգիաներ, գրավելով ավելի ու ավելի մեծ և ակտիվ հանրային հետաքրքրություն։

Աշխարհով մեկ հայկական մշակութային հարստության փնտրտուք՝ գործընկերային և հովանավորական ցանցի ստեղծման օգնությամբ. Աշխարհով մեկ սփռված հայկական ժառանգության գործերի հայտնաբերում, խնամք, հնարավորության դեպքում՝ վերադարձ Հայաստան, անհնարինության դեպքում՝ տեղերում խնամակալ խորհուրդների ստեղծում կամ անհատների ներգրավում, համագործակցություն հայ համայնքների, բարերարների, եկեղեցու կառույցների, գիտական-թանգարանային հաստատությունների հետ և այլն։

Հայկական մշակույթը՝ համաշխարհային մշակույթի բնական մաս. ամբողջ ինքնատիպությամբ հանդերձ՝ կարևոր է հայկական մշակութային ժառանգությունը չմեկուսացնել համաշխարհայինից, հակառակը, այն մշտապես դիտարկել և հանրահռչակել որպես բոլոր ժամանակներում ակտիվ և կենսունակ մի տարր։ Այս առումով կարևոր է համագործակցությունը աշխարհի ամենատարբեր մշակութային կենտրոնների հետ, համատեղ նախագծերի իրականացումը։

Արցախի մշակութային ժառանգությունը՝ շարունակական ուշադրության կենտրոնում. Արցախյան մշակութային և հոգևոր կոթողների պահպանման և հնարավոր խնամքի կազմակերպման ուղիների որոնումը պետք է լինի շարունակական։ Միջազգային կազմակերպությունների, մշակույթի դեսպանների խմբերի, քրիստոնյա ուխտագնացների միջազգային խմբերի, քրիստոնեական միջազգային կառույցների և այլոց ներգրավմամբ պետք է հասնել այն բանին, որպեսզի հնարավոր դառնան այցելությունները՝ առնվազն իրավիճակի արձանագրման և վերահսկման նպատակով։
Միևնույն ժամանակ, Հայաստանում պետք է մեծագույն ուշադրություն դարձնել արցախյան ոչ մշակութային ժառանգության պահպանմանը՝ բարբառի, երգերի, բանահյուսության, պարերի և մյուս բոլոր բաղադրիչների։ Սրա վերաբերյալ պատրաստվում է առանձին ծավալուն ծրագիր։

Հայկական սփյուռքի հետ կապերը, Հայկական Աշխարհի միասնությունը պետք է լինեն աշխարհասփյուռ հայկական մշակութային հարստության համակողմանի պահպանության և արդյունավետ հոգածության կարևորագույն երաշխիք։

2. Ժամանակակից արվեստ, ստեղծարար արդյունաբերություններ

Ժամանակակից արվեստը նախ ստեղծագործող անհատն է։ Հայաստանի տարածքում ստեղծագործող և մեր այսօրվա մշակութային շերտն իր ինքնատիպ ստեղծագործությամբ հարստացնող յուրաքանչյուր անհատ Հայաստանի հարստությունն է։ Անհատական և խմբային ստեղծագործության խրախուսումը պետք է կարևորվի ոչ միայն զուտ մշակութային արտադրանքի ստեղծման, այլև հենց ստեղծագործական ընթացքի առումով։ Ստեղծագործող անհատների և խմբերի կարիքները, նրանց խրախուսման եղանակները պիտի լինեն պետական և համայնքային մշակութային պատասխանատու օղակների մշտական և դինամիկ ուշադրության կենտրոնում։

• Պետություն-ստեղծագործող հարաբերությունները պիտի լինեն հորիզոնական։ Արվեստագետը չպետք է լինի պետությունից ինչ-որ բան խնդրողի դերում։ Պետությունն ինքը պիտի ստեղծի մեխանիզմներ՝ արվեստագետի ստեղծագործական կյանքը խրախուսելու նպատակով։
• Պետական միջոցներով ֆինանսավորվող մշակութային հաստատությունների աշխատողները չպետք է դիտվեն որպես ստանդարտ պետծառայողներ։ Մշակույթի, արվեստի ոլորտի մարդիկ պիտի վայելեն բավարար ազատություն՝ ստեղծագործական արժեքավոր և ժամանակի շունչն արտահայտող գործեր ստեղծելու համար։ Գրաքննությունը և ինքնագրաքննության մղող մթնոլորտը պետք է անընդունելի համարվեն պետական հոգածության տակ գործող մշակութային հիմնարկներում։
• Արվեստի բնագավառների տարբերություններն արտահայտվում են նաև նրանց կարիքների տարբերությամբ։ Դժվար է բոլոր ոլորտների ստեղծագործական միավորների համար ապահովել ստեղծագործական ռեսուրսների հասանելիություն, եթե չկան նրանց կարիքների շուրջ իրական պատկերացումներ։ Այսօրվա գերկենտրոնացած նախարարության պայմաններում շատ փոքր դաշտ է մնում ազատ արվեստագետի և պետության իրական համագործակցության համար։
• Անհրաժեշտ է ժամանակակից արվեստին պետության հատկացրած միջոցները բաշխել նպատակային՝ ըստ ոլորտների։ Լավագույն եղանակը մշակութային անկախ գործակալությունները կամ հիմնադրամներն են, որոնք մասնագիտական խորհուրդների միջոցով կհարաբերվեն իրենց ոլորտների հետ՝ տնօրինելով պետության հատկացրած միջոցներն ըստ ոլորտի կարիքների։ Սա թույլ կտա միջոցները և ծրագրերը հասցնել ավելի մեծ քանակի ստեղծագործողների, կընդգրկի բազմազան քաղաքական հայացքների ստեղծագործողների և խմբերի, կստեղծի գործընկերային, հորիզոնական հարաբերություններ։
• Ստեղծագործական արհմիությունների խրախուսումը պետք է դառնա պետական մշակութային քաղաքականության նպատակներից մեկը։

The post Բարգավաճ Հայաստան կուսակցություն-ը «Առաջարկ Հայաստանին» ծրագրի շրջանակում ներկայացնում է մշակութային ոլորտի հիմնական դրույթները appeared first on Norlur.am.

Նախընտրական հանդիպումների հերթական կանգառները Կոտայքի մարզի Քաղսի, Չարենցավան, Բյուրեղավան և Նոր Հաճն համայնքներում ևս մեկ անգամ ցույց տվեցին, որ մարդիկ սպասում են վստահություն ներշնչող խոսքի, հստակ ծրագրի և պատասխանատու առաջնորդության։

Հայրենակիցների աջակցությունն ու վստահությունը մեզ ավելի են պարտավորեցնում շարունակել պայքարը հանուն խաղաղ, բարգավաճ Հայաստանի։

The post Գագիկ Ծառուկյանի նախընտրական հանդիպումների հերթական կանգառները Կոտայքի մարզի Քաղսի, Չարենցավան, Բյուրեղավան և Նոր Հաճն համայնքներում appeared first on Norlur.am.

The post Հունիսի 7-ին ընտրում ենք N 7 քվեաթերթիկը՝ հանուն բարգավաճ Հայաստանի։ appeared first on Norlur.am.