Թրամփը ողջունել է Հորմուզի նեղուցի բացման վերաբերյալ Իրանի հայտարարությունը, սակայն ընդգծել՝ Իրանի ծովային շրջափակումը կշարունակվի

ԱՄՆ նախագահ Դոնալդ Թրամփը հաստատել է Իրանի հայտարարությունը, որ Հորմուզի նեղուցը բաց է և ողջունել այն։ «Իրանը հենց նոր հայտարարեց, որ Իրանի նեղուցը լիովին բաց է և պատրաստ է լիարժեք անցման։ Շնորհակալություն»,- գրել է նա Truth Social-ում։ Մեկ այլ գրառմամբ էլ Թրամփը նշել է, որ Հորմուզի նեղուցը լիովին բաց է և պատրաստ է լիարժեք անցման համար, բայց ընդգծել է՝ Իրանի նկատմամբ ծովային շրջափակումը կմնա ուժի մեջ, մինչև այն պահը, երբ Իրանի հետ գործարքը 100%-ով կավարտվի։ «Այս գործընթացը պետք է շատ արագ ընթանա, քանի որ կետերի մեծ մասն արդեն բանակցված է։ Շնորհակալություն այս հարցի նկատմամբ ուշադրության համար»,- գրել է նա։ Իրանի արտաքին գործերի նախարար Աբբաս Արաղչին հայտարարել էր, որ Հորմուզի նեղուցը լիովին բաց կմնա առևտրային նավերի համար՝ գործող հրադադարի ամբողջ ընթացքում։