Կխուսափենք աղետալի և ապոկալիպտիկ հետևանքներից. Հովհաննիսյանը՝ գազի գնի հնարավոր բարձրացման մասին
Հայաստան14:53 | նոյեմբերի 2, 2026Կխուսափենք աղետալի և ապոկալիպտիկ հետևանքներից. Հովհաննիսյանը՝ գազի գնի հնարավոր բարձրացման մասին
լսել հոդվածըԿիսվել
նախընտրելի դարձնել
<!—>]—>
Հայաստանի պետական բյուջեն ֆինանսական իմունիտետ ունի՞ գազի գնի հնարավոր բարձրացման նկատմամբ։ Այս մասին նոյեմբերի 2-ին խորհրդարանական մշտական հանձնաժողովների համատեղ նիստում՝ 2027 թվականի պետական բյուջեի նախագծի քննարկման ժամանակ, ֆինանսների նախարար Վահե Հովհաննիսյանին հարցրել է ընդդիմադիր «Հայաստան» խմբակցության պատգամավոր Մեսրոպ Մանուկյանը։
«Հունվարի 1-ից գազի գինը կա՛մ կմնա նույնը, կա՛մ կբարձրանա։ Բայց, ամեն դեպքում, դուք ստիպված կլինեք նստել բանակցությունների սեղանի շուրջ և սկսել քննարկումները։ Մենք բոլորս նույն նավի մեջ ենք։ Գազի գնի բարձրացումը վատ է։ Այն կանդրադառնա բոլորի վրա՝ առանց բացառության», — նշեց Մանուկյանը։
Նրա խոսքով՝ գազի գնի բարձրացման բացասական հետևանքները կկարողանան հաղթահարել միայն պետական պաշտոնյաները, քանի որ միայն նրանց աշխատավարձերն են բարձրացվել։
«Բայց Հայաստանի մյուս քաղաքացիներն ինչպե՞ս են հաղթահարելու դա», — հետաքրքրվեց պատգամավորը։
Ֆինանսների նախարարն ի պատասխան հայտարարեց, որ գազի գնի հնարավոր բարձրացման վերաբերյալ առայժմ որևէ տեղեկություն չկա։
«Չեմ կարծում, որ մենք պետք է գազի գնի բարձրացման մասին խոսենք ապոկալիպտիկ տոնով։ Առավել ևս չեմ կարծում, որ դա աղետալի հետևանքներ կունենա», — անհիմն պնդեց Հովհաննիսյանը։
Հասանելի է
Տեղադրություն
Թեմա
Աղբյուրը՝ NEWS.am
