Ջրհեղեղ Ջորջիայում. փրկարարները ավելի քան 30 մարդու են տարհանել
Ջրհեղեղ20:18 | նոյեմբերի 5, 2026Ջրհեղեղ Ջորջիայում. փրկարարները ավելի քան 30 մարդու են տարհանել
լսել հոդվածըԿիսվել
նախընտրելի դարձնել
<!—>]—>
Ուժեղ ամպրոպներն ու հորդառատ անձրևները վտանգավոր հեղեղումների պատճառ են դարձել ԱՄՆ Ջորջիա նահանգի հյուսիսում, հայտնում է Associated Press-ը։
Մաքքեյսվիլ քաղաքում չորեքշաբթի լույս հինգշաբթի գիշերը փրկարարներն իրականացրել են մարդկանց փրկության ավելի քան 30 գործողություն, իսկ որոշ բնակիչներ շարունակում էին արգելափակված մնալ ջրածածկ տներում։
ԱՄՆ Ազգային օդերևութաբանական ծառայության տվյալներով՝ ՄըքՔեյսվիլում 8-13 սանտիմետր անձրև է տեղացել։ Ջուրն այնքան է բարձրացել, որ ծածկել է որոշ տների տանիքները։ Ուժեղ հոսանքը դժվարացրել է փրկարարական նավակների աշխատանքը։
Տեղի ոստիկանապետ Մայքլ Իրլին լրագրողներին հայտնել է, որ փրկարարական գործողությունները շարունակվել են բարդ պայմաններում։ Ֆանին շրջանի արտակարգ իրավիճակների գործակալության տվյալներով՝ հատուկ խմբերը տարհանել են բնակիչներին, սակայն մարդկանց մի մասը մնացել է այնպիսի վայրերում, ուր փրկարարները չեն կարողացել հասնել ջրի վտանգավոր մակարդակի պատճառով։
Հրապարակման պահին տուժածների ստույգ թվի և հնարավոր վնասվածքների մասին տեղեկություններ չէին ստացվել։
Իշխանությունները բնակիչներին զգուշացրել են, որ անձրևի դադարելը չի նշանակում, թե վտանգն անցել է։ Ջրի մակարդակը կարող է շարունակել բարձրանալ նույնիսկ տեղումների ավարտից հետո։
ՄըքՔեյսվիլը գտնվում է Տոկոա գետի ափին՝ Ջորջիայի և Թենեսիի սահմանին։ Քաղաքում բնակվում է մոտ հազար մարդ։
<!—>
Հասանելի է
[—>русский
Թեմա
Իրադարձություն
Տեղադրություն
Աղբյուրը՝ NEWS.am
