Իսրայելի ընդդիմությունը քննարկում է վարչապետի ուղղակի ընտրություններ սահմանելու հնարավորությունը

Բենիամին Նեթանյահու10:49 | հոկտեմբերի 31, 2026Իսրայելի ընդդիմությունը քննարկում է վարչապետի ուղղակի ընտրություններ սահմանելու հնարավորությունը
լսել հոդվածըԿիսվել նախընտրելի դարձնել

<!—>

]—>

Իսրայելական ընդդիմությունը դիտարկում է վարչապետի ուղղակի ընտրություններ մտցնելու հնարավորությունը՝ քաղաքական փակուղուց դուրս գալու և առանց արաբական կուսակցությունների աջակցության փոքրամասնության կառավարություն ձևավորելու նպատակով, հայտնում է The Times of Israel-ը:

Քննարկվող առաջարկի համաձայն՝ ընտրողներն առանձին կընտրեն կառավարության ղեկավարին և կքվեարկեն Քնեսեթը ձևավորող կուսակցությունների օգտին: Նախաձեռնության հեղինակներն ակնկալում են, որ նման մեխանիզմը կօգնի հաղթահարել քաղաքական ճգնաժամը երեքշաբթի կայացած ընտրություններից հետո, որոնց արդյունքում ոչ գործող վարչապետ Բենիամին Նեթանյահուի դաշինքը, ոչ էլ նրա ընդդիմախոսները խորհրդարանում մեծամասնություն չեն ստացել։

Նման համակարգի դեպքում վարչապետի ուղղակի ընտրություններում հաղթած թեկնածուն տեսականորեն կկարողանա փորձել փոքրամասնության կառավարություն ձևավորել, նույնիսկ եթե նրա աջակիցները Քնեսեթում տեղերի մեծամասնությունը չունեն։ Սակայն դա չի նշանակում կառավարություն ձևավորելու իրավունքի ավտոմատ ստացում. գործող օրենսդրությունը պահանջում է, որ կառավարությունը ստանա խորհրդարանի վստահության քվեն:

Ինքը՝ Նեթանյահուն, նման գաղափարով հանդես էր եկել 2021 թվականի մարտին կայացած ընտրություններից հետո, որոնք թույլ չէին տվել նրան կայուն կոալիցիա ձևավորել:

Ուղղակի ընտրություններ մտցնելու համար կպահանջվի փոփոխել Իսրայելի «Կառավարության մասին» հիմնական օրենքը: Փոփոխությանը պետք է կողմ քվեարկի 120 տեղանոց Քնեսեթի առնվազն 61 պատգամավոր:

Առայժմ խոսքը քննարկվող նախաձեռնության մասին է. ներկայացված տեղեկատվությունից չի բխում, որ օրինագիծն արդեն ներկայացվել է կամ որ դրա կողմնակիցներն ունեն փոփոխություններ ընդունելու համար անհրաժեշտ ձայներ:

<!—>

Հասանելի է

[—>русский

Անձ

Բենիամին Նեթանյահու

Թեմա

ԸնտրություններՔաղաքականություն

Տեղադրություն

Իսրայել

Աղբյուրը՝ NEWS.am