Իրանը հաջորդ ամիս կհյուրընկալի Կասպից ծովի ափամերձ համաժողովը․ պաշտոնական
Հաջորդ ամիս Իրանում կանցկացվի Կասպից ծովի հինգ ափամերձ պետությունների բարձր մակարդակի ներկայացուցիչների մասնակցությամբ համաժողով։
APA-ի Թեհրանի բյուրոյի հաղորդմամբ՝ այս մասին հայտարարել է Իրանի փոխարտգործնախարար Քազեմ Ղարիբաբադին։ Նա նշել է, որ ափամերձ պետությունների համաձայնությամբ ստեղծվել են պայմաններ համաժողովը Թեհրանում անցկացնելու համար, և սեպտեմբերի 23-ին նախատեսված է Կասպից ծովի հինգ ափամերձ պետությունների բարձր մակարդակի ներկայացուցիչների մասնակցությամբ հանդիպում։
Ղարիբաբադին ընդգծել է, որ ափամերձ պետությունների մասնակցությունը Թեհրանում կայանալիք հանդիպմանը կարող է հնարավորություններ ստեղծել փոխադարձ հետաքրքրություն ներկայացնող հարցերի քննարկման, երկկողմ և բազմակողմ կապերի ամրապնդման, կարծիքների փոխանակման և ապագայում ավելի կառուցողական փոխգործակցության հիմք դնելու համար։
Աղբյուր՝ 24News.am
