Հունգարիայում ձերբակալել են Վիկտոր Օրբանի եղբորը
Մարդկանց թրաֆիքինգ20:15 | նոյեմբերի 9, 2026Հունգարիայում ձերբակալել են Վիկտոր Օրբանի եղբորը
լսել հոդվածըԿիսվել
նախընտրելի դարձնել
<!—>]—>
Հունգարիայում ձերբակալել են Վիկտոր Օրբանի եղբորը։ Այս մասին հայտնել է երկրի վարչապետ Պետեր Մադյարը։
«Մամուլի հրապարակումների համաձայն՝ Վիկտոր Օրբանի եղբայրը՝ Արոն Օրբանը, կալանավորվել է թրաֆիքինգի կասկածանքով»,- Ֆեյսբուքի իր էջում գրել է Մադյարը։
Ինչպես հստակեցնում է AFP գործակալությունը, թեմային առաջինն անդրադարձել է Մադյարի եղբորը պատկանող Kontroll լրատվական կայքը։ Ըստ DW-ի՝ հրապարակման մեջ նշվում է, որ իրավապահները մարդկանց առևտրի գործով քննության շրջանակում «մի քանի անձի» են ձերբակալել։ Այժմ նրանց բնակության վայրերում խուզարկություններ են ընթանում։ Գործողությունն իրականացնում են Ազգային քննչական բյուրոն (NNI) և Ակտիվների վերադարձի ու պաշտպանության ազգային վարչությունը (NVVH). վերջինս Մադյարի նախաձեռնությամբ ստեղծված հակակոռուպցիոն մարմին է։
Հունգարիայի նախկին վարչապետ Վիկտոր Օրբանն այս կալանավորումը «կեղտոտ խաղ» է որակել՝ կառավարությանը մեղադրելով քաղաքական ընդդիմախոսներին ասպարեզից հեռացնելու փորձերի մեջ։
«Թիրախում ես եմ, իսկ եղբայրս ընդամենը գործիք է»,- սոցցանցերում գրել է նա։ Ի պատասխան՝ Մադյարը նկատել է, որ այս հայտարարությամբ Օրբանը փաստացի հաստատեց եղբոր ձերբակալության լուրը։
Նշենք, որ եղբոր պաշտոնավարման տարիներին Արոն Օրբանը մի քանի հաջողված բիզնես նախագիծ է հիմնել։ AFP-ն հիշեցնում է, որ դեռ անցյալ տարի հետաքննող լրագրողները նրա ընկերություններից մեկը կապում էին հունգարական աշխատանքային վիզաներ տրամադրելու ենթադրյալ սխեմայի հետ։
Հասանելի է
Թեմա
Մարդկանց թրաֆիքինգՔաղաքականություն
Տեղադրություն
Անձ
Աղբյուրը՝ NEWS.am
