Հռոմի պապը Ուկրաինայում պատերազմի կողմերին կոչ է արել ավելի ակտիվ երկխոսել խաղաղության շուրջ

Մելանիա Թրամփ22:08 | նոյեմբերի 1, 2026Հռոմի պապը Ուկրաինայում պատերազմի կողմերին կոչ է արել ավելի ակտիվ երկխոսել խաղաղության շուրջ
լսել հոդվածըԿիսվել նախընտրելի դարձնել

<!—>

]—>

Հռոմի պապ Լևոն XIV-ը Ուկրաինայում շարունակվող պատերազմի համար պատասխանատու կողմերին կոչ է արել ավելի ակտիվ երկխոսել և կոնկրետ քայլեր ձեռնարկել խաղաղության հասնելու համար։ Այս մասին քահանայապետը հայտարարել է կիրակի օրը Վատիկանի Սուրբ Պետրոսի հրապարակում «Հրեշտակ Տեառն» ավանդական աղոթքի ժամանակ, հայտնում է Վատիկանի մամուլի ծառայությունը։

Նա հիշեցրել է այս շաբաթ ռուսաստանյան զորքերի կողմից օկուպացված ուկրաինական Օլեշկի քաղաքում իրականացված մարդասիրական գործողության մասին։ Դիվանագիտական ջանքերի և ժամանակավոր մարդասիրական հրադադարի շնորհիվ հարյուրավոր խաղաղ բնակիչներ կարողացել են լքել քաղաքը։

«Հուսով եմ, որ կողմերի միջև համագործակցությունը, որը հնարավոր դարձրեց մարդասիրության այս անհրաժեշտ դրսևորումը, կնպաստի երկխոսության ավելի մեծ պատրաստակամությանը և կհանգեցնի խաղաղությանն ուղղված նոր կոնկրետ նախաձեռնությունների», — ասել է Լևոն XIV-ը։

Մարդասիրական գործողությանը նախորդել են Հռոմի պապի և ԱՄՆ առաջին տիկին Մելանյա Թրամփի դիվանագիտական ջանքերը։ Նա մասնակցել է պայմանավորվածության ձեռքբերմանը, իսկ Լևոն XIV-ն անձամբ դիմել է Ռուսաստանի ղեկավարությանը՝ կոչ անելով ապահովել մարդասիրական օգնությունը և քաղաքացիական անձանց տարհանումը։

Օլեշկի են հասցվել նաև բնակիչներին խիստ անհրաժեշտ սնունդ, խմելու ջուր և բժշկական պարագաներ։ Տարհանվածների ճշգրիտ թիվը չի հրապարակվում անվտանգության նկատառումներից ելնելով։ Միաժամանակ Մելանյա Թրամփը հայտնել է, որ տարհանվել է ավելի քան 750 մարդ։

<!—>

Հասանելի է

[—>русский

Անձ

Մելանիա ԹրամփԼևոն XIV պապ

Թեմա

ԽաղաղությունՈւկրաինայի պատերազմ

Տեղադրություն

Ուկրաինա

Աղբյուրը՝ NEWS.am