ՀԲ ներկայացուցիչների հետ քննարկվել են ՀՀ տնտեսության մրցունակության բարձրացմանն ուղղված աշխատանքները. ՊԵԿ
Թվայնացում14:07 | նոյեմբերի 6, 2026ՀԲ ներկայացուցիչների հետ քննարկվել են ՀՀ տնտեսության մրցունակության բարձրացմանն ուղղված աշխատանքները. ՊԵԿ
լսել հոդվածըԿիսվել
նախընտրելի դարձնել
<!—>]—>
ՀՀ պետական եկամուտների կոմիտեի նախագահ Էդուարդ Հակոբյանն ընդունել է Համաշխարհային բանկի՝ ՀՀ տնտեսության մրցունակության բարձրացմանն ուղղված տեխնիկական աջակցության առաքելության ներկայացուցիչներին։ Այս մասին NEWS.am–ին տեղեկացնում են ՊԵԿ-ից:
ՊԵԿ նախագահը, ողջունելով հանդիպման մասնակիցներին, ընդգծել է Համաշխարհային բանկի հետ ձևավորված երկարամյա համագործակցության կարևորությունն ու առանցքային դերը։
Հանդիպման ընթացքում քննարկվել են ՀՀ տնտեսության մրցունակության բարձրացմանն ուղղված իրականացվող աշխատանքները, առկա հնարավորություններն ու մարտահրավերները, ինչպես նաև հարկային և մաքսային վարչարարության ազդեցությունը երկրի տնտեսական մրցունակության վրա։
Առանձնահատուկ կարևորվել է հարկային վարչարարության արդյունավետության և թափանցիկության բարձրացման, հարկային կարգապահության խթանման, ինչպես նաև արդար, արդյունավետ և ժամանակակից հարկային համակարգի ձևավորման ու զարգացման նշանակությունը՝ ՀՀ տնտեսության մրցունակության ամրապնդման համատեքստում։
Անդրադարձ է կատարվել նաև մաքսային վարչարարության ոլորտում իրականացվող բարեփոխումներին, մասնավորապես՝ մաքսային միասնական հաշվի ներդրման գործընթացին և ՀՀ պետական եկամուտների կոմիտեի կողմից իրականացվող թվայնացման ծրագրերին։ Կարևորվել են նաև արհեստական բանականության գործիքների կիրառման ընդլայնման և դրանց ներուժի արդյունավետ օգտագործման ուղղությամբ ՊԵԿ-ի կողմից իրականացվող աշխատանքները։
Հանդիպման ավարտին կողմերը վերահաստատել են համագործակցությունը շարունակելու և դրա շրջանակում ակտիվ փոխգործակցությունն ապահովելու իրենց պատրաստակամությունը։
Թեմա
Կազմակերպություն
Աղբյուրը՝ NEWS.am
