Հալաբյան փողոցում լքված նորածնի ծնողները դեռ չեն հայտնաբերվել․ որոնողական աշխատանքներ են տարվում

Հալաբյան փողոցում մոր կողմից լքված նորածին երեխայի ծնողները դեռ չեն գտնվել։ Այս մասին 24News-ին հայտնւմ են Ներքին գործերի նախարարությունից։
«Ձեռնարկվում են ակտիվ օպերատիվ-հետախուզական աշխատանքներ դեպքը բացահայտելու ուղղությամբ»,-նշեցին գերատեսչությունից։

Հիշեցնենք, որ օգոստոսի 10-ին Հալաբյան փողոցի բակերից մեկում բնակիչներից Նարեկ Պետրոսյանը նորածին աղջկա էր գտել։ Երեխան սառած է եղել, նա տեղափոխվել է հիվանդանոց։ Նորածինը շնչառական անբավարարություն ունի, կյանքին վտանգ չի սպառնում։

Դեպքի առթիվ նախաձեռնվել է քրեական վարույթ։

Աղբյուր՝ 24News.am