Ֆրանսիայի իշխանությունները բողոքի ցույցերից հետո 1 մլրդ եվրո կհատկացնեն կրթության ոլորտին․ Լըկորնյու

Կրթություն16:52 | հոկտեմբերի 29, 2026Ֆրանսիայի իշխանությունները բողոքի ցույցերից հետո 1 մլրդ եվրո կհատկացնեն կրթության ոլորտին․ Լըկորնյու
լսել հոդվածըԿիսվել նախընտրելի դարձնել

<!—>

]—>

Ի պատասխան ուսման անբավարար պայմանների դեմ երիտասարդների զանգվածային բողոքի ցույցերի՝ Ֆրանսիայի կառավարությունն ամբողջ երկրում կրթության ոլորտում նոր միջոցառումներ է սահմանել։ Այս մասին X սոցիալական ցանցում հայտնել է Ֆրանսիայի վարչապետ Սեբաստիեն Լըկորնյուն։

Նրա խոսքով՝ կառավարությունը 1 միլիարդ եվրո է հատկացնում համալսարանական շենքերի նորոգման համար, իսկ շրջաններին դպրոցների վերանորոգման նպատակով կտրամադրվի 4 միլիարդ եվրոյի արտոնյալ վարկ: Բացի այդ, 2027 թվականից սկսած՝ իշխանությունները պարտավորվում են ուսանողական կրթաթոշակները համապատասխանեցնել գնաճին:

Իշխանությունները խոստանում են նաև 2027 և 2028 թվականներին բարձրագույն կրթության համակարգում ավելացնել 15 հազար տեղ, ստեղծել դասախոսների 500, ինչպես նաև հոգեբանների, բուժքույրերի ու սոցիալական աշխատողների 500 հավելյալ հաստիք: Ծրագրվում է սահմանափակել նաև դասարաններում աշակերտների թիվը և սահմանել երաշխավորված մեկժամյա ճաշի ընդմիջում:

Լըկորնյուն նշել է, որ կրթական ոլորտի այս բարեփոխումները մշակելիս կառավարությունը հաշվի է առել 3 հազար լիցեյներից ստացված դիմումները:

<!—>

Հասանելի է

[—>русский

Թեմա

ԿրթությունՔաղաքականությունԲողոքներ

Տեղադրություն

Ֆրանսիա

Անձ

Սեբաստիեն Լըկորնյու

Աղբյուրը՝ NEWS.am