Դնիպրոյում երկաթուղային կայարանին հասցված ռուսական հարվածի հետևանքով առնվազն 13 մարդ է զոհվել
Դնիպրո16:41 | հոկտեմբերի 29, 2026Դնիպրոյում երկաթուղային կայարանին հասցված ռուսական հարվածի հետևանքով առնվազն 13 մարդ է զոհվել
լսել հոդվածըԿիսվել
նախընտրելի դարձնել
<!—>]—>
Ռուս զինվորականներն անօդաչու թռչող սարքերով հարձակվել են Դնիպրո քաղաքի վրա։ Անօդաչուներից մեկը հարվածել է երկաթուղային կայարանին։ Հարձակման հետևանքով զոհվել է առնվազն 13 մարդ, հայտնել է մարզային ռազմական վարչակազմի ղեկավար Ալեքսանդր Գանժան։
Առնվազն 13 մարդ վիրավորվել է, նրանցից չորսի վիճակը ծանր է։
Անօդաչու թռչող սարքը հարվածել է կայարանի կառամատույցներից մեկին, որտեղ կանգնած էր դեպի Զապորոժիե ուղևորվող էլեկտրագնացքը։ Ինչպես նշում է Ուկրաինական երկաթուղին, չնայած վտանգի մասին նախազգուշացմանը՝ ոչ բոլորն են տեղափոխվել անվտանգ տարածք։
Ուկրաինայի նախագահ Վլադիմիր Զելենսկին իր հերթին հայտարարել է, որ Դնիպրոյի ողբերգությունը ցույց է տալիս Կրեմլին խաղաղության մղելու արևմտյան փորձերի անարդյունավետությունը։ «Քանի՜ նման ահաբեկչական հարված է Ռուսաստանը հասցրել մեր մարդկանց այն բանից հետո, երբ մի քանի ռուս օլիգարխների և էներգետիկ ոլորտի նկատմամբ պատժամիջոցները չեղարկվել են։ Հենց այդ պատճառով Ուկրաինան միշտ ասում է, որ ռուսական էսկալացիային ի պատասխան անհրաժեշտ են Ամերիկայի և Եվրոպայի արդար ու վճռական գործողությունները», — գրել է Զելենսկին։
Դնիպրոյի կայարանի գրոհը հոկտեմբերին ռուսական ուժերի արդեն չորրորդ հարվածն էր թիկունքային ենթակառուցվածքներին, ինչը հանգեցրել է խաղաղ բնակչության շրջանում զանգվածային զոհերի։ Ավելի վաղ ռուսական բանակը հարվածել էր Չեռնիգովի մարզի Պրիլուկի քաղաքի բնակելի բարձրահարկ շենքին, Դոնեցկի մարզի Կրամատորսկ քաղաքի ուղևորատար ավտոբուսներին և Զապորոժիեի բազմաբնակարան շենքին։ Միայն այս երեք հարվածներն ընդհանուր առմամբ խլել են ավելի քան 80 մարդու կյանք։
ՌԴ զինված ուժերը նախկինում ևս բազմիցս հարվածել են Ուկրաինայի այլ քաղաքների երկաթուղային կայարաններին և բազմաթիվ զոհեր պատճառել։ 2022 թվականի ապրիլին Կրամատորսկի կայարանին հասցված հարվածի հետևանքով զոհվել է տարհանման սպասող ավելի քան 60 խաղաղ բնակիչ։ Չորս ամիս անց Դնեպրոպետրովսկի մարզի Չապլինո ավանի կայարանի վրա նմանատիպ հարձակման հետևանքով զոհվել է ևս 25 մարդ։
Հասանելի է
Տեղադրություն
Իրադարձություն
Թեմա
Աղբյուրը՝ NEWS.am
