«Ճտերն աշնանն են հաշվում». Իրանի ԿԲ ղեկավարը պատասխանել է ԱՄՆ առևտրի նախարարի սպառնալիքներին

Տնտեսություն17:08 | նոյեմբերի 15, 2026«Ճտերն աշնանն են հաշվում». Իրանի ԿԲ ղեկավարը պատասխանել է ԱՄՆ առևտրի նախարարի սպառնալիքներին
լսել հոդվածըԿիսվել նախընտրելի դարձնել

<!—>

]—>

Իրանի Կենտրոնական բանկի ղեկավար Աբդոլնասեր Հեմաթին երկրում վերահաս տնտեսական ճգնաժամի մասին ԱՄՆ ֆինանսների նախարար Սքոթ Բեսենթի նախազգուշացումներին պատասխանել է «Ճտերն աշնանն են հաշվում» ասացվածքով՝ Վաշինգտոնին կոչ անելով վաղաժամ եզրակացություններ չանել, հայտնում է Mehr-ը։

Ավելի վաղ Բեսենթը հայտարարել էր, որ Իրանին «երկար ու ցուրտ ձմեռ» է սպասվում, և պնդել, որ Թեհրանը կարող էր Վաշինգտոնի հետ համաձայնագրի ավելի շահավետ պայմանների հասնել մինչև ամերիկյան ընտրությունները։ Նախարարն ասել էր, որ ԱՄՆ նախագահ Դոնալդ Թրամփն այժմ Իրանի հետ գործարք կնքելն անհրաժեշտ չի համարում, ուստի Վաշինգտոնը կշարունակի ուժեղացնել ճնշումն այդ երկրի վրա։

Ի պատասխան՝ Հեմաթին ամերիկացի պաշտոնյային հիշեցրել է նրա նախկին կանխատեսումների մասին։

«Նա պետք է հաշվի դեռ այն ճտերին, որոնց մասին ես խոսում էի աշնան վերջին։ Թող նախ դա անի, հետո խոսի ձմռան մասին։ Դեռ շատ վաղ է», — հայտարարել է Իրանի ԿԲ ղեկավարը։

Հեմաթին նաև հայտարարել է, որ Իրանի արտարժութային ապահովման իրավիճակը մնում է կայուն։ Ըստ նրա, վերջին շրջանում շուկա է մատակարարվել գրեթե 33 մլրդ դոլարի արտարժույթ։

Նա ընդգծել է, որ Կենտրոնական բանկը շարունակում է ապահովել դեղերի և առաջին անհրաժեշտության այլ ապրանքների մատակարարումները, ինչպես ավելի վաղ խոստացել էր։

«Աստծո կամոք, խնդիրներ չեն լինի։ Մենք անում ենք հնարավոր ամեն ինչ՝ որևէ խափանում թույլ չտալու համար», — նշել է Իրանի ԿԲ ղեկավարը։

<!—>

Հասանելի է

[—>русский

Թեմա

ՏնտեսությունՊատժամիջոցներԻրան-ամերիկյան հարաբերություններ

Տեղադրություն

Իրան

Անձ

Սքոթ Բեսենթ

Աղբյուրը՝ NEWS.am