Ճապոնիայում գնացքը բախվել է գորշ արջին և դուրս եկել ռելսերից
Արջ13:54 | հոկտեմբերի 31, 2026Ճապոնիայում գնացքը բախվել է գորշ արջին և դուրս եկել ռելսերից
լսել հոդվածըԿիսվել
նախընտրելի դարձնել
<!—>]—>
Ճապոնիայի Հոկայդո կղզու Սոյա երկաթուղային գծում ճեպընթաց գնացքը բախվել է գորշ արջին և դուրս եկել ռելսերից, հայտնում է NHK-ն։
Միջադեպի հետևանքով գնացքում գտնվող 34 ուղևորներից և անձնակազմի անդամներից ոչ ոք չի տուժել, սակայն Օտոինեպու և Վականայ կայարանների միջև ընկած հատվածում գնացքների երթևեկությունը դադարեցվել է հոկտեմբերի 31-ի ողջ օրվա ընթացքում։
JR Hokkaido երկաթուղային ընկերության տվյալներով՝ վթարը տեղի է ունեցել հոկտեմբերի 30-ին՝ տեղական ժամանակով մոտ ժամը 23:00-ին։ «Sarobetsu» թիվ 3 ճեպընթացը Ասահիկավայից ուղևորվում էր Վականայ, երբ Տեսիո-Նակագավա և Տոյկանբեցու կայարանների միջև ընկած հատվածում բախվել է գորշ արջին։ Կենդանին հայտնվել է գնացքի տակ, որից հետո առջևի վագոնը դուրս է եկել ռելսերից։
Ուղևորներն ու գնացքի աշխատակիցները մինչև առավոտ մնացել են գնացքում և այդ ընթացքում անվտանգության ստուգումներ էին իրականացվում։ Ժամը 9:30-ի սահմաններում երկաթուղային ընկերության տրամադրած տաքսիներով նրանց հասցրել են նշանակման վայր։
«Բախման պահին գնացքը ուժեղ ցնցվեց։ Գիշերը վագոնի լույսերը մարեցին, վախենում էի և չէի կարողանում քնել», — պատմել է գնացքով երթևեկող Վիետնամի 20-ամյա քաղաքացին։ Նրա խոսքով՝ ինքը թեթևություն է զգացել, երբ բարեհաջող հասել է Վականայ։
Վթարի պատճառով հոկտեմբերի 31-ին չեղարկվել են Ասահիկավայի և Վականայի միջև բոլոր գնացքների երթերը, իսկ Սոյա գծի՝ Օտոինեպուի և Վականայի միջև ընկած հատվածում երթևեկությունը դադարեցվել է ողջ օրվա ընթացքում։ JR Hokkaido-ն վերականգնողական աշխատանքներ է իրականացնում և զգուշացնում, որ խափանումները կարող են ազդել նաև այլ երթերի վրա։
Հասանելի է
Թեմա
Տեղադրություն
Իրադարձություն
Աղբյուրը՝ NEWS.am
