ԱԺ էթիկայի հանձնաժողովը քննարկել է Մեսրոպ Մանուկյանի վարքը
Աջափնյակ13:17 | նոյեմբերի 12, 2026ԱԺ էթիկայի հանձնաժողովը քննարկել է Մեսրոպ Մանուկյանի վարքը
լսել հոդվածըԿիսվել
նախընտրելի դարձնել
<!—>]—>
Ազգային ժողովի էթիկայի հանձնաժողովն այսօր՝ նոյեմբերի 12–ին, նիստ է հրավիրել, որտեղ քննարկվել է «Հայաստան» խմբակցության պատգամավոր Մեսրոպ Մանուկյանի հարցը։
Մեր տեղեկություններով՝ խոսքը վերաբերում է Մեսրոպ Մանուկյանի և Աջափնյակի թաղապետ Սերոբ Սարգսյանի միջև տեղի ունեցած վիճաբանությանը, որտեղ նրանք միմյանց վիրավորական արտահայտություններ են ուղղել։
Դա տեղի է ունեցել Աջափնյակի Շինարարների փողոցում մայթին կառուցված կրպակներն ու խանութները քանդելու ժամանակ։ Մասնավորապես, Սերոբ Սարգսյանը Մեսրոպ Մանուկյանին ասել է, որ ինքը շահագրգռված է այս հարցում, որովհետեւ այդտեղ է գտնվում նաև իր աներոջ բենզալցակայանը, որը չս հնարավոր է՝ քանդվի։
Դրանից հետո նրանց միջև վեճ է սկսվել. «Ձենդ կտրի, կթքեմ վրեդ, այ համբալ, կգնաս քաղաքապետիդ հետ տենց կխոսաս, եղա՞վ, այ տղա»,–ասել է Մեսրոպ Մանուկյանը։ Թաղապետը պատգամավորին «լակոտ է» անվանել, վերջինս էլ պատասխանել է. «Լակոտը դու ես, այ տղա, կթքեմ վրեդ»։
Հիշեցնենք, որ երեկ էլ ԱԺ էթիկայի հանձնաժողովը քննարկել է «Հայաստան» խմբակցության պատգամավոր Գեղամ Մանուկյանին վերաբերող հարցը։
Հիշեցնենք, որ դատական նիստերից մեկի ժամանակ, երբ Քոչարյանի խափանման միջոցի հարցն էր քննվում, վիճաբանություն էր տեղի ունեցել Գասպարիի և Գեղամ Մանուկյանի միջև։
Տեղադրություն
Թեմա
Էթիկայի հանձնաժողովՔաղաքականություն
Անձ
Կազմակերպություն
Աղբյուրը՝ NEWS.am
