ԱՄՆ-ում մեկ օրում մահապատժի են ենթարկել երեք մարդու

Ալաբամա12:36 | նոյեմբերի 6, 2026ԱՄՆ-ում մեկ օրում մահապատժի են ենթարկել երեք մարդու
լսել հոդվածըԿիսվել նախընտրելի դարձնել

<!—>

]—>

ԱՄՆ Ֆլորիդա, Ալաբամա և Ինդիանա նահանգներում մեկ օրում ի կատար են ածվել մահապատժի երեք դատավճիռներ, հայտնել է Associated Press-ը (AP)։

Ըստ տեղեկությունների՝ Ֆլորիդայում մահապատժի է ենթարկվել 64-ամյա Ջեսի Գուարդոդոն, որը դատապարտվել էր 2004 թվականին 75-ամյա Ջեքի Մելոունի սպանության համար։ Նա ներխուժել էր կնոջ տուն, դանակի մահացու հարվածներ հասցրել նրան, ապա հափշտակել զարդեր և փող։ Մահապատժից առաջ Գուարդոդոն ներողություն է խնդրել սպանվածի ընտանիքից և իր հարազատներից։

Գուարդոդոյի մահապատիժը Ֆլորիդայում 19-րդն էր 2026 թվականի սկզբից ի վեր։ Այսպիսով, նահանգը կրկնել է 2025 թվականին սահմանված ռեկորդը։ Ընթացիկ տարում ԱՄՆ-ում ի կատար ածված մահապատիժների 35 դատավճիռների կեսից ավելին բաժին է ընկնում Ֆլորիդային։ Մինչև տարեվերջ նախատեսված է ևս երկու մահապատիժ։

Ալաբամայում մահացու ներարկում է կատարվել 54-ամյա Մայքլ Թեյլորին։ 1991 թվականին, երբ նա 19 տարեկան էր, կողոպուտի ժամանակ մետաղյա ձողով ծեծի էր ենթարկել 83-ամյա Իվան Մուրին և նրա 79-ամյա կնոջը՝ Լյուսիլին։ Երկուսն էլ մահացել էին ստացած վնասվածքներից։

Ինդիանայում մահապատժի է ենթարկվել 50-ամյա Ջեֆրի Վայսհայթը, որը մեղավոր էր ճանաչվել 2010 թվականին տուն հրկիզելու համար, ինչի հետևանքով զոհվել էին նրա ընկերուհու երկու երեխաները։ Նա ընդունել էր իր մեղքը, սակայն նրա փաստաբանները խնդրել էին մահապատիժը փոխարինել ցմահ ազատազրկմամբ։ Նահանգապետ Մայք Բրաունը մերժել էր ներման խնդրանքը։

AP-ը նշել է, որ ԱՄՆ-ում մեկ օրում երեք նահանգներում երեք մարդու մահապատժի ենթարկելը շարունակում է հազվադեպ երևույթ մնալ։ Վերջին անգամ նման բան տեղի էր ունեցել 2010 թվականին։

Մահապատիժներն իրականացվել են այն ֆոնին, երբ Կալիֆոռնիայի նահանգապետ Գևին Նյուսոմը հայտարարել է իր պաշտոնավարման ժամկետի ավարտից առաջ մահապատժի դատապարտված 548 անձանց պատիժը մեղմելու մտադրության մասին։

Հասանելի է

русский

Տեղադրություն

ԱլաբամաՖլորիդաԻնդիանաԱՄՆ

Թեմա

Մահապատիժ

Աղբյուրը՝ NEWS.am