ԱՄՆ-ն առայժմ Իրանի դեմ լայնածավալ ռազմական գործողությունները վերսկսելու անհրաժեշտություն չի տեսնում. Ռուբիո
Դոնալդ Թրամփ19:35 | նոյեմբերի 10, 2026ԱՄՆ-ն առայժմ Իրանի դեմ լայնածավալ ռազմական գործողությունները վերսկսելու անհրաժեշտություն չի տեսնում. Ռուբիո
լսել հոդվածըԿիսվել
նախընտրելի դարձնել
<!—>]—>
ԱՄՆ պետքարտուղար Մարկո Ռուբիոն հայտարարել է, որ Վաշինգտոնն առայժմ Իրանի դեմ լայնածավալ ռազմական գործողությունները վերսկսելու անհրաժեշտություն չի տեսնում, քանի որ տնտեսական սահմանափակումները լուրջ վնաս են հասցնում այդ երկրին։ Դրա մասին նա հայտնել է Փարիզում G7-ի երկրների արտգործնախարարների հանդիպումից հետո, հաղորդում է Reuters-ը։
«[Իրանի դեմ] տնտեսական արշավն այնքան կործանարար է, որ այս պահին լայնածավալ մարտական գործողությունների անհրաժեշտություն չկա»,- ասել է Ռուբիոն։ Ըստ նրա՝ հանդիպման ընթացքում ինքն այս դիրքորոշումը ներկայացրել է դաշնակիցներին։
Ինչպես Reuters-ին հայտնել են G7-ի երկրների չորս դիվանագետներ, Ռուբիոն հայտարարել է, որ ԱՄՆ-ն կշարունակի «կործանարար» տնտեսական ճնշում գործադրել Իրանի վրա։
Նրա գնահատմամբ՝ պատժամիջոցները սահմանափակում են տարածաշրջանում գործունեություն ֆինանսավորելու և իրեն դաշնակից զինված խմբավորումներին աջակցելու Թեհրանի հնարավորությունները։ Պետքարտուղարը միաժամանակ հասկացրել է, որ Վաշինգտոնը գործողությունների այլ տարբերակներ ունի՝ բացի պատերազմը վերսկսելուց կամ ԱՄՆ-ի համար անընդունելի՝ Իրանի պայմաններն ընդունելուց։
Ռուբիոյի հայտարարությունները հնչել են, երբ ԱՄՆ նախագահ Դոնալդ Թրամփը հայտնել է Իրանին նոր ռազմական հարվածներ հասցնելուց առայժմ ձեռնպահ մնալու մտադրության մասին։ Reuters-ի տվյալներով՝ այս որոշումն ընդունել է տարածաշրջանի մի քանի երկրների, դրանց թվում՝ Կատարի դիմումներից հետո։ Միաժամանակ Թրամփը մտադիր է պահպանել Հորմուզի նեղուցի շրջանում Իրանի ռազմածովային շրջափակումը։
Կատարի վարչապետ Մուհամմեդ բին Աբդուլռահման Ալ Թանին, որը միջնորդ է Վաշինգտոնի և Թեհրանի միջև, Թրամփի հետ հանդիպումից հետո անսպասելիորեն միացել է Փարիզում G7-ի արտգործնախարարների բանակցություններին։ Ըստ եվրոպացի դիվանագետների՝ նա զգուշավոր լավատեսություն է հայտնել դիվանագիտական լուծում գտնելու և հետագա սրացումից խուսափելու հնարավորության վերաբերյալ։
Այսպիսով, Թրամփի վարչակազմն առայժմ շեշտը դնում է տնտեսական ճնշման պահպանման և դիվանագիտական շփումների վրա՝ միաժամանակ չբացառելով նոր ռազմական գործողությունների հնարավորությունը։
Հասանելի է
Անձ
Թեմա
ՔաղաքականությունՊատժամիջոցներԱՄՆ-Իրան հարաբերություններ
Աղբյուրը՝ NEWS.am
