Էդինբուրգում շուրջ 6 հազար մարդ մասնակցել է ԱԲ-ի համար տվյալների կենտրոնների կառուցման դեմ ցույցին
Արհեստական բանականություն12:48 | նոյեմբերի 15, 2026Էդինբուրգում շուրջ 6 հազար մարդ մասնակցել է ԱԲ-ի համար տվյալների կենտրոնների կառուցման դեմ ցույցին
լսել հոդվածըԿիսվել
նախընտրելի դարձնել
<!—>]—>
Էդինբուրգում շուրջ 6 հազար մարդ է մասնակցել արհեստական բանականության համար խոշոր տվյալների կենտրոնների կառուցման դեմ երթին։ Շաբաթ օրը՝ նոյեմբերի 14-ին, մասնակիցները Թագավորական մղոնով շարժվել են դեպի Շոտլանդիայի խորհրդարանի շենք՝ պահանջելով նախագծերի վերաբերյալ հանրային խորհրդակցություններ անցկացնել նախքան դրանց հաստատման մասին որոշումներ ընդունելը, հայտնում է Edinburgh News-ը։
Ակցիային մասնակցել են ավելի քան 80 կազմակերպությունների, մասնավորապես բնապահպանական միավորումների, արհմիությունների, բարեգործական կազմակերպությունների և տեղաբնակների նախաձեռնող խմբերի ներկայացուցիչներ։ Բողոքի ակցիան խոշոր տվյալների կենտրոնների կառուցման դեմ միջազգային արշավի մի մասն էր։ Ակտիվիստների կարծիքով, այդ կենտրոնները չափազանց մեծ բեռ են ստեղծում էներգահամակարգի և շրջակա միջավայրի համար։
Շոտլանդիայում պլանավորման տարբեր փուլերում են տվյալների կենտրոնների ավելի քան 20 նախագծեր, որոնք նախատեսված են նաև արհեստական բանականության համակարգերի սպասարկման համար։ Բնապահպանական կազմակերպությունների գնահատմամբ, եթե այս բոլոր նախագծերն իրականացվեն, դրանք զգալիորեն կմեծացնեն էլեկտրաէներգիայի սպառումը, կարող են հանգեցնել էլեկտրաէներգիայի վճարների աճի և վնաս հասցնել բնական ռեսուրսներին։
«Շոտլանդիայի կառավարությունը պետք է բացատրի, թե ինչու է անհրաժեշտ կառուցել տվյալների այս կենտրոնները, ինչ առավելություններ դրանք կտան, և ով կօգտվի դրանցից», — հայտարարել է Friends of the Earth Scotland կազմակերպության ավագ ակտիվիստ Քիմ Փրաթը։
Ցուցարարները պահանջում են կասեցնել նախագծերի քննարկումը մինչև տեղական համայնքների մասնակցությամբ համազգային քննարկման անցկացումը։ Նրանք նաև մտավախություն ունեն, որ խոշոր օբյեկտների կառուցումը կհանգեցնի բնական կենսամիջավայրերի ոչնչացմանը, տեղական էլեկտրացանցերի լրացուցիչ ծանրաբեռնմանը և ապագա շինհրապարակների մերձակայքում կյանքի որակի վատթարացմանը։
Շոտլանդիայի տարբեր շրջանների նախաձեռնող խմբերի ներկայացուցիչները հայտարարել են, որ բնակիչները բավարար չափով չեն մասնակցում որոշումների ընդունմանը, թեև հենց նրանց համայնքները կարող են բախվել շինարարության հետևանքներին։
Շոտլանդիայի կառավարությունից հայտնել են, որ մինչև տարեվերջ նախատեսվում է հրապարակել տվյալների կենտրոնների տեղակայման վերաբերյալ նոր ուղեցույցներ։ Բացի այդ, իշխանությունները մշակում են ռազմավարություն՝ ուղղված նման օբյեկտներից ստացվող հանրային օգուտի մեծացմանը։ Ավելի քան 50 ՄՎտ հզորությամբ նոր տվյալների կենտրոնների համար պլանավորման ընթացակարգի շրջանակում նախատեսված է նաև պարտադիր ներկայացնել շրջակա միջավայրի վրա ազդեցության գնահատականը։
<!—>
Հասանելի է
[—>русский
Թեմա
Արհեստական բանականությունՏվյալների կենտրոններՇրջակա միջավայրԲողոքներ
Տեղադրություն
Աղբյուրը՝ NEWS.am
