Իրանի ԻՀՊԿ-ն հայտնել է Բահրեյնում ամերիկյան ՌՏԿ-ի վրա վեց անօդաչու թռչող սարքով հարձակման մասին
Ավիահարված09:30 | նոյեմբերի 15, 2026Իրանի ԻՀՊԿ-ն հայտնել է Բահրեյնում ամերիկյան ՌՏԿ-ի վրա վեց անօդաչու թռչող սարքով հարձակման մասին
լսել հոդվածըԿիսվել
նախընտրելի դարձնել
<!—>]—>
Իսլամական հեղափոխության պահապանների կորպուսը (ԻՀՊԿ) հայտարարել է, որ իր օդատիեզերական ուժերի վեց անօդաչու թռչող սարքեր կիրակի վաղ առավոտյան հարձակվել են Բահրեյնի Ալ Ռիֆա ուղղաթիռային բազայում տեղակայված ամերիկյան ՀՕՊ համակարգի ռադիոտեղորոշիչ կայանի վրա, հաղորդում է Mehr-ը։
«Ամերիկյան զինված ուժերի բացահայտ ագրեսիային վճռական և ջախջախիչ պատասխանի երկրորդ փուլի շրջանակում հարձակման է ենթարկվել Բահրեյնի Ալ Ռիֆա ուղղաթիռային բազայում գտնվող ամերիկյան ՀՕՊ համակարգի ՌՏԿ-ն։ Հարվածը հասցրել են ԻՀՊԿ օդատիեզերական ուժերի վեց անօդաչու թռչող սարքեր», — ասվում է կորպուսի մամուլի ծառայության հայտարարության մեջ։
ԻՀՊԿ-ն պնդում է, որ ԱՄՆ-ն լիակատար ձախողում է կրել Հորմուզի նեղուցում նավերի ուղեկցման գործողության ընթացքում, որը Թեհրանը կապում է նավթի փոխադրումն ապահովելու փորձերի հետ։ Իրանական կողմի վարկածով, Վաշինգտոնն այժմ փորձում է միջազգային հանրության ուշադրությունը շեղել ռազմավարական նշանակություն ունեցող այս ծովային ուղու փաստացի փակ լինելու հանգամանքից։
Հայտարարության մեջ նաև ասվում է, որ ամերիկյան անօդաչու թռչող սարքերը մեկը մյուսի հետևից խոցվում են, իսկ ամերիկյան թիրախների դեմ ուղղված իրանական անօդաչուների թիվն ավելացել է՝ գործողության նախորդ փուլի համեմատ։ ԻՀՊԿ-ն ընդգծել է, որ Իրանի դեմ ԱՄՆ-ի ցանկացած հետագա գործողություն կարժանանա ավելի կոշտ և հաշվարկված պատասխանի։
Կորպուսի պնդմամբ, ամերիկյան ռադիոտեղորոշիչ կայանին հասցված հարվածների ձայները լսվել են Բահրեյնի տարբեր շրջաններում։ Իրանական կողմը նաև հայտարարել է, որ Հորմուզի նեղուցը շարունակում է փակ մնալ նավագնացության համար, իսկ ԱՄՆ-ի ցանկացած նոր գործողություն կհանգեցնի պատասխան միջոցների ուժեղացմանը։
Նոյեմբերի 13-ին ԻՀՊԿ-ն արդեն հայտնել էր Բահրեյն կղզում ամերիկյան ՌՏԿ-ի ոչնչացման մասին։ Կորպուսը նշել է, որ հարվածը պատասխան էր իրանական Սիրիկ քաղաքում հեռահաղորդակցության աշտարակի վրա ավիահարձակմանը։ Այդ ժամանակ իրանցի զինվորականները զգուշացրել էին, որ հետագա խախտումները կհանգեցնեն առանց սահմանափակումների պատասխանի։
<!—>
Հասանելի է
[—>русский
Թեմա
Տեղադրություն
Կազմակերպություն
Իսլամական հեղափոխության պահապանների կորպուս
Աղբյուրը՝ NEWS.am
