Ուկրաինան հարվածել է Վոլգոգրադի նավթավերամշակման գործարանին, որն ունակ է արտադրել ռուսական բենզինի 5 տոկոսը

Ավիահարված11:20 | նոյեմբերի 13, 2026Ուկրաինան հարվածել է Վոլգոգրադի նավթավերամշակման գործարանին, որն ունակ է արտադրել ռուսական բենզինի 5 տոկոսը
լսել հոդվածըԿիսվել նախընտրելի դարձնել

<!—>

]—>

Ուկրաինական անօդաչու թռչող սարքերը նոյեմբերի 13-ի գիշերը զանգվածային գրոհ են իրականացրել Վոլգոգրադի մարզում, հայտնել է մարզի ղեկավար Անդրեյ Բոչարովը։ «ԱԹՍ-ների բեկորների անկման հետևանքով տեղային հրդեհներ են արձանագրվել Վոլգոգրադի հարավային արդյունաբերական գոտու ձեռնարկություններից մեկում, ինչպես նաև հարակից տարածքում», — նշել է Բոչարովը։ Նրա տվյալներով՝ արդյունաբերական գոտու չորս աշխատակից զոհվել է, ևս երկուսը՝ վիրավորվել։

Ականատեսների լուսանկարների համաձայն, որոնք ուսումնասիրել է Astra-ն, անօդաչուների թիրախը եղել է Վոլգոգրադի վարչական սահմաններում գտնվող Վոլգոգրադի նավթավերամշակման գործարանը։ Գրոհից հետո դրա տարածքում հրդեհ է բռնկվել։ «Լուկօյլ»-ին պատկանող ձեռնարկությունը Ռուսաստանում ոլորտի տասը խոշորագույն գործարաններից մեկն է։ Գործարանն ունակ է տարեկան վերամշակել մոտ 14 մլն տոննա նավթային հումք, ինչը կազմում է երկրում վերամշակման ընդհանուր ծավալի մոտ 5 տոկոսը։ Գիշերային հարձակման ֆոնին Վոլգոգրադի բենզալցակայաններում սկսել են հերթեր գոյանալ։ «Գիշերվա ժամը երկուսն է։ Ի՞նչ է կատարվում մեզ մոտ, Վոլգոգրա՛դ։ Նորի՞ց սկսվեց», — տեսանյութերից մեկում հարց է տվել տեղի բնակիչներից մեկը։

Մինչ այդ Վոլգոգրադի նավթավերամշակման գործարանը ուկրաինական անօդաչուների հարվածների թիրախ էր դարձել հոկտեմբերի 2-ին։ Ձեռնարկությունում սարքավորումներ էին վնասվել, ինչի հետևանքով գործարանն ամբողջությամբ դադարեցրել էր վերամշակումը, Reuters-ին հայտնել էին ոլորտի աղբյուրները։ Վոլգոգրադի նավթավերամշակման գործարանի դեմ անօդաչուների նախորդ խոշոր հարձակումները, որոնք զգալի վնասներ էին պատճառել, տեղի են ունեցել մայիսի 29-ին և հունիսի 31-ին։

Ուկրաինայի զինված ուժերը (ՈւԶՈւ) հոկտեմբերի վերջին վերսկսել են հարվածները ռուսական նավթավերամշակման գործարաններին և վերջին երկու շաբաթվա ընթացքում հարձակվել 35 գործարաններից 9-ի վրա։ Մասնավորապես, հարվածների թիրախ են դարձել Նովոկույբիշևսկի, Ռյազանի, Աֆիպի, Սարատովի, Յարոսլավլի, Օմսկի, Նիժնի Նովգորոդի, Ուֆայի և Կիրիշիի նավթավերամշակման գործարանները։ Դա հանգեցրել է հումքի վերամշակման ընդհանուր ծավալի 30 տոկոսով կրճատման՝ նախորդ ամսվա վերջի համեմատ, Reuters-ին հայտնել են իրազեկ աղբյուրները։ Նրանց գնահատմամբ՝ հոկտեմբերի վերջին նավթավերամշակման գործարաններն օրական վերամշակում էին մոտ 700 հազար տոննա (5 մլն բարել) հումք, իսկ նոյեմբերի կեսերին ցուցանիշը նվազել է մինչև օրական 500 հազար տոննա։

Նավթավերամշակման նոր ճգնաժամն արդեն հանգեցրել է առնվազն ութ տարածաշրջանի բենզալցակայաններում վառելիքի պակասի։ Բենզինի վաճառքի սահմանափակումներ են մտցվել Լենինգրադի, Նիժնի Նովգորոդի, Արխանգելսկի, Նովոսիբիրսկի, Պենզայի մարզերում, ինչպես նաև Կարելիայում և Բուրյաթիայում։ Մոսկվայում «Ռոսնեֆտի» բենզալցակայաններում կրկին սահմանաչափեր են գործում՝ մեկ ավտոմեքենայի համար ոչ ավելի, քան 50 լիտր վառելիք և տարայի մեջ՝ ոչ ավելի, քան 20 լիտր։

<!—>

Հասանելի է

[—>русский

Թեմա

ԱվիահարվածՎառելիքՆավթՈւկրաինայի պատերազմ

Տեղադրություն

Ռուսաստան

Աղբյուրը՝ NEWS.am