Դուբլինում մեկնարկել է Եվրոպական քաղաքական համայնքի գագաթնաժողովի լիագումար նիստը

Դիվանագիտություն18:07 | նոյեմբերի 12, 2026Դուբլինում մեկնարկել է Եվրոպական քաղաքական համայնքի գագաթնաժողովի լիագումար նիստը
լսել հոդվածըԿիսվել նախընտրելի դարձնել

<!—>

]—>

Իռլանդիայի մայրաքաղաք Դուբլինում մեկնարկել է Եվրոպական քաղաքական համայնքի (ԵՔՀ) 9-րդ գագաթնաժողովի լիագումար նիստը։ Հանդիպումն անցկացվում է նոյեմբերի 12-ին՝ «Ուժեղ, անվտանգ և փոխկապակցված Եվրոպա» կարգախոսով։

Գագաթնաժողովին մասնակցում են եվրոպական առաջնորդներ, ինչպես նաև միջազգային կազմակերպությունների ներկայացուցիչներ։ Ընդհանուր առմամբ հրավեր է ստացել պետությունների և կառավարությունների 48 ղեկավար, այդ թվում՝ Հայաստանի վարչապետ Նիկոլ Փաշինյանը։

Քննարկումների առանցքում են Եվրոպայի անվտանգության և ժողովրդավարական դիմակայունության ամրապնդումը, մրցունակության բարձրացումը, նորարարությունների և տրանսպորտային փոխկապակցվածության զարգացումը, ինչպես նաև էներգառեսուրսների հասանելիությունը։ Առանձին ուշադրություն է դարձվում անվտանգության ոլորտում ընդհանուր մարտահրավերներին և Եվրամիության անդամ ու անդամ չհանդիսացող եվրոպական երկրների միջև համագործակցությանը։

Գագաթնաժողովը համանախագահում են Եվրոպական խորհրդի նախագահ Անտոնիու Կոշտան և Իռլանդիայի վարչապետ Միխոլ Մարտինը։ Հանդիպումն անցկացվում է նոյեմբերի 13-ին նախատեսված՝ Եվրամիության առաջնորդների ոչ պաշտոնական նիստի նախօրեին։

<!—>

Հասանելի է

[—>русский

Թեմա

ԴիվանագիտությունՔաղաքականություն

Տեղադրություն

Դուբլին

Իրադարձություն

Գագաթնաժողով

Աղբյուրը՝ NEWS.am