Աբու Դաբիում բանակցությունները կանցնեն առանց եվրոպացիների մասնակցության․ Պեսկով
Դիվանագիտություն14:46 | նոյեմբերի 9, 2026Աբու Դաբիում բանակցությունները կանցնեն առանց եվրոպացիների մասնակցության․ Պեսկով
լսել հոդվածըԿիսվել
նախընտրելի դարձնել
<!—>]—>
«Այն, ինչ առաջիկա օրերին տեղի է ունենալու Աբու Դաբիում, եռակողմ բանակցություններ են Ռուսաստանի և Ուկրաինայի միջև՝ Միացյալ Նահանգների միջնորդությամբ», — հայտարարել է Կրեմլի պաշտոնական ներկայացուցիչ Դմիտրի Պեսկովը՝ մեկնաբանելով հանդիպմանը եվրոպական երկրների ներկայացուցիչների մասնակցության մասին հաղորդագրությունները։
«Ինչ վերաբերում է եվրոպացիների ներկայությանը, գիտեք, որ ամերիկացիներն ու եվրոպացիներն ունեն հաղորդակցության իրենց ուղիները, ուկրաինացիներն ու եվրոպացիները՝ իրենցը, և նրանք, ըստ երևույթին, արդեն ձևավորում են համակարգման իրենց մեխանիզմը։ Բայց ևս մեկ անգամ կրկնում եմ՝ խոսքը Աբու Դաբիում եռակողմ բանակցությունների մասին է», — ասել է նա։
Նախօրեին Ֆրանսիայի արտաքին գործերի նախարար Ժան-Նոել Բարոն հայտնել էր, որ երկրի ներկայացուցիչները կժամանեն Աբու Դաբի՝ բանակցություններին մասնակցելու համար։ «Եվրոպացիներն արժանավայել ներկայացված կլինեն», — ասել էր նա։
Ռուսաստանի, Ուկրաինայի և ԱՄՆ-ի պատվիրակությունների մասնակցությամբ բանակցություններն Աբու Դաբիում նախատեսված են նոյեմբերի 10–11-ին։ Սա կլինի փետրվարի կեսերից ի վեր առաջին նման հանդիպումը։
<!—>
Հասանելի է
[—>русский
Թեմա
ԴիվանագիտությունԲանակցություններԽաղաղության բանակցություններ
Անձ
Տեղադրություն
Աղբյուրը՝ NEWS.am
