Թրամփը հայտարարել է, որ հանրապետականների պարտությունից հետո իմպիչմենթից չի վախենում
Դոնալդ Թրամփ01:17 | նոյեմբերի 5, 2026Թրամփը հայտարարել է, որ հանրապետականների պարտությունից հետո իմպիչմենթից չի վախենում
լսել հոդվածըԿիսվել
նախընտրելի դարձնել
<!—>]—>
ԱՄՆ նախագահ Դոնալդ Թրամփը հայտարարել է, որ բոլորովին չի մտահոգվում իմպիչմենթի հնարավորությամբ, երբ դեմոկրատները հաղթեցին միջանկյալ ընտրություններում և վերահսկողություն հաստատեցին Կոնգրեսի երկու պալատների նկատմամբ, գրում է New York Post-ը։
Ըստ նրա՝ առանց բավարար հիմքերի իրեն իշխանությունից հեռացնելու փորձը քաղաքական կործանման կհանգեցնի Դեմոկրատական կուսակցության համար։
«Ո՛չ, ո՛չ, ո՛չ, բոլորովին»,- պատասխանել է Թրամփը լրագրողների այն հարցին, թե արդյոք իրեն անհանգստացնում է իմպիչմենթի հեռանկարը։
«Կարծում եմ՝ դա կկործանի Դեմոկրատական կուսակցությունը, եթե նրանք գնան նման քայլի, քանի որ դա կլինի իմպիչմենթ՝ առանց որևէ հիմքի։ Ինչի՞ համար։ Այն բանի համար, որ երկիրը հաջողությամբ զարգանո՞ւմ է»,- հայտարարել է ԱՄՆ նախագահը։
Թրամփը լրագրողների առջև ելույթ է ունեցել նոյեմբերի 4-ին՝ Սպիտակ տան նոր պարահանդեսային դահլիճի շինհրապարակում անցկացվող միջոցառման ժամանակ։ Սա նրա առաջին հրապարակային ելույթն էր միջանկյալ ընտրություններից հետո, որոնց արդյունքում հանրապետականները կորցրին վերահսկողությունը Սենատի և Ներկայացուցիչների պալատի նկատմամբ։
Նախագահը նաև պատրաստակամություն է հայտնել համագործակցելու Կոնգրեսի դեմոկրատների հետ, սակայն նախազգուշացրել է, որ կօգտվի վետոյի իրավունքից, եթե նրանց գործողությունները ապակառուցողական համարի։
«Ես, հավանաբար, կկարողանամ լեզու գտնել դեմոկրատների հետ, եթե միայն նրանք չցանկանան ապակառուցողական գործել։ Բայց ես վետոյի իրավունք ունեմ»,- ասել է Թրամփը։
Հասանելի է
Անձ
Թեմա
ԸնտրություններԻմպիչմենտՔաղաքականություն
Տեղադրություն
Աղբյուրը՝ NEWS.am
