Էնդի Բերնհեմը ԱՄՆ ընտրությունների արդյունքները կապել է Իրանի հետ հակամարտությունը կարգավորելու հնարավորության հետ
Էնդի Բերնհեմ19:55 | նոյեմբերի 4, 2026Էնդի Բերնհեմը ԱՄՆ ընտրությունների արդյունքները կապել է Իրանի հետ հակամարտությունը կարգավորելու հնարավորության հետ
լսել հոդվածըԿիսվել
նախընտրելի դարձնել
<!—>]—>
Մեծ Բրիտանիայի վարչապետ Էնդի Բերնհեմը հայտարարել է, որ ԱՄՆ միջանկյալ ընտրությունների արդյունքները միջազգային հանրությանը հնարավորություն են տալիս կենտրոնանալ Իրանի հետ պատերազմի դադարեցման և կյանքի ծախսերի նվազեցման վրա, հայտնում է PA Media-ն։
Նրա կարծիքով՝ տնտեսական խնդիրների լուծման համար անհրաժեշտ են միջազգային համագործակցություն և երկրների միջև լարվածության թուլացում։
Բերնհեմն այս հայտարարությունն արել է Անտիգուայում Ազգերի համագործակցության երկրների կառավարությունների ղեկավարների հանդիպման ժամանակ՝ Կոնգրեսի միջանկյալ ընտրություններում ԱՄՆ նախագահ Դոնալդ Թրամփի Հանրապետական կուսակցության պարտությունից հետո։
«Նախագահ Թրամփն ընդունել է ընտրությունների արդյունքները, և ես կարծում եմ, որ այժմ աշխարհը հնարավորություն ունի համախմբվելու բոլորիս առնչվող խնդրի՝ կյանքի ծախսերի շուրջ»,- լրագրողներին ասել է Մեծ Բրիտանիայի վարչապետը։
Նա ընդգծել է, որ չի կարողանա նվազեցնել բրիտանացիների ֆինանսական բեռը, քանի դեռ չի կարգավորվել Մերձավոր Արևելքի հակամարտությունը։ Մյուս առաջնահերթությունների թվում Բերնհեմը նշել է Ուկրաինայում Ռուսաստանի սկսած պատերազմի դադարեցումը և միջազգային համագործակցության ամրապնդումը։
Նրա կարծիքով՝ ԱՄՆ-ում քվեարկության արդյունքները վկայում են այն մասին, որ ընտրողները ցանկանում են տեսնել երկրներ, որոնք կենտրոնացած են մարդկանց առօրյա խնդիրների լուծման, այլ ոչ թե հակամարտությունների ու տարաձայնությունների վրա։
Բերնհեմը հայտարարել է նաև, որ Մեծ Բրիտանիան ձգտելու է թուլացնել Իրանի հետ հակամարտության լարվածությունը։ Նպատակների թվում նա նշել է իրավիճակի կարգավորումը և Հորմուզի նեղուցով նավարկության լիարժեք վերականգնումը։
ԱՄՆ միջանկյալ ընտրությունները լուրջ հարված են դարձել հանրապետականների և Թրամփի վարչակազմի համար։ Դրանց արդյունքներն ամրապնդել են դեմոկրատների դիրքերը Կոնգրեսում և վկայել գործող իշխանությունից ընտրողների մի մասի դժգոհության մասին։
Հասանելի է
Անձ
Թեմա
ԸնտրություններՔաղաքականությունԱՄՆ-Իրան հարաբերություններ
Աղբյուրը՝ NEWS.am
