Լեհաստանի ևս մեկ դեսպան է հրաժարական տվել Սահմանադրական դատարանի շուրջ ստեղծված իրավիճակի պատճառով
Դիվանագիտություն10:00 | հոկտեմբերի 31, 2026Լեհաստանի ևս մեկ դեսպան է հրաժարական տվել Սահմանադրական դատարանի շուրջ ստեղծված իրավիճակի պատճառով
լսել հոդվածըԿիսվել
նախընտրելի դարձնել
<!—>]—>
Ռումինիայում Լեհաստանի դեսպան Բոգդան Սոլոխը հայտարարել է պաշտոնից հեռանալու մասին՝ իր որոշումը բացատրելով երկրի Սահմանադրական դատարանն ապօրինաբար զավթելու փորձով: Ավելի վաղ՝ ուրբաթ օրը, Չինաստանում Լեհաստանի դեսպանի պաշտոնից հրաժարվելու մասին հայտարարել էր նաև Յակուբ Կումոխը:
«Սահմանադրական դատարանի ապօրինի զավթման փորձով պայմանավորված՝ այլևս հնարավոր չեմ համարում շարունակել Ռումինիայում Լեհաստանի դեսպանի պարտականությունների կատարումը»,- X սոցիալական ցանցում գրել է Սոլոխը:
Նրա խոսքով՝ իր որոշման մասին ինքը տեղեկացրել է Լեհաստանի նախագահին և արտաքին գործերի նախարարին:
Կումոխը ևս իր հրաժարականը կապել է երկրի ներքին իրադարձությունների հետ:
«Նկատի ունենալով երկրում ծավալվող իրադարձությունները՝ որոշեցի, որ Լեհաստանի դեսպանի պաշտոնում իմ պարտականությունների հետագա կատարումն անհնար է: Այսօր հրաժարականի դիմում եմ ներկայացրել և խնդրել եմ ինձ հետ կանչել պաշտոնից»,- գրել է դիվանագետը:
Լեհաստանի արտգործնախարար Ռադոսլավ Սիկորսկին մեկնաբանել է Կումոխի որոշումը՝ նշելով, որ վերջինս իր առաքելությունն ավարտել է ոչ պրոֆեսիոնալ կերպով: «Դուք այլևս չեք ներկայացնում Լեհաստանի Հանրապետությունը»,- X-ում գրել է ԱԳՆ ղեկավարը:
Լեհաստանի նախագահին առընթեր Միջազգային քաղաքականության բյուրոյի ղեկավար Մարչին Պշիդաչն իր հերթին Կումոխի հրաժարականը կապել է, իր իսկ բնորոշմամբ՝ Դոնալդ Տուսկի կառավարության կողմից օրենքի խախտման և Սահմանադրական դատարանի դեմ իրականացված ուժային գրոհի հետ:
Հասանելի է
Թեմա
ԴիվանագիտությունԴատական համակարգՔաղաքականություն
Անձ
Տեղադրություն
Աղբյուրը՝ NEWS.am
